قید میں بھی ہے جنوں دست و گریباں ہم سے

قید میں بھی ہے جنوں دست و گریباں ہم سے

آ کے خلوت میں بھی ملتا ہے بیاباں ہم سے

قیس سودائے غم گیسوئے لیلیٰ کے لئے

لے گیا چند خیالات پریشاں ہم سے

عشق میں اتنا زمانہ ہمیں گزرا ہے کہ لوگ

پوچھتے آتے ہیں اس درد کا درماں ہم سے

کوئی ناقوس و جرس کی نہیں کرتا فریاد

ہم جو نالاں ہیں تو ہر شخص ہے نالاں ہم سے

حال کا اپنے ہمیں علم نہیں ان کو ہے

راز رکھتے ہیں ہمارا بھی وہ پنہاں ہم سے

قید غم سے ہے رہائی بہت آساں ناطقؔ

شرم اس کی ہے کہ وابستہ ہے زنداں ہم سے

qaid mein bhi hai junun dast-o-gareban ham se

a ke khalwat mein bhi milta hai bayaban ham se

qais sauda-e-gham gesu-e-laila ke liye

le gaya chand khayalat pareshan ham se

ishq mein itna zamana hamen guzra hai ke log

puchhte ate hain is dard ka darman ham se

koi naqus-o-jaras ki nahin karta fariyad

ham jo nalan hain to har shakhs hai nalan ham se

hal ka apne hamen ilm nahin un ko hai

raz rakhte hain hamara bhi wo pinhan ham se

qaid-e-gham se hai rihai bahut asan natiq

sharm us ki hai ke wabasta hai zindan ham se