قمر کی وہ خورشید تصویر ہے

قمر کی وہ خورشید تصویر ہے

گلے میں ستاروں کی زنجیر ہے

کہاں پائے جاناں کہاں میرا سر

یہ طالع یہ قسمت یہ تقدیر ہے

خفا آپ سے آپ ہوتے ہو کیوں

بتا دو جو کچھ میری تقصیر ہے

نہ کھولو خط اس کا دھڑکتا ہے دل

خدا جانے کیا اس میں تحریر ہے

نمایاں ہے قوس قزح ابر میں

مسی پر لکھوٹے کی تحریر ہے

مناسب ہے کچھ کھا کے مر جاؤ برقؔ

یہی درد فرقت کی تدبیر ہے

qamar ki wo khurshid taswir hai

gale mein sitaron ki zanjir hai

kahan pae janan kahan mera sar

ye tale ye qismat ye taqdir hai

khafa ap se ap hote ho kyun

bata do jo kuchh meri taqsir hai

na kholo khat us ka dharakta hai dil

khuda jane kya is mein tahrir hai

numayan hai qaus-e-quzah abr mein

missi par lakhote ki tahrir hai

munasib hai kuchh kha ke mar jao barq

yahi dard furqat ki tadbir hai