قیامت ہیں یہ چسپاں جامے والے

قیامت ہیں یہ چسپاں جامے والے

گلوں نے جن کی خاطر خرقے ڈالے

وہ کالا چور ہے خال رخ یار

کہ سو آنکھوں میں دل ہو تو چرا لے

نہیں اٹھتا دل محزوں کا ماتم

خدا ہی اس مصیبت سے نکالے

کہاں تک دور بیٹھے بیٹھے کہیے

کبھو تو پاس ہم کو بھی بلا لے

دلا بازی نہ کر ان گیسوؤں سے

نہیں آساں کھلانے سانپ کالے

تپش نے دل جگر کی مار ڈالا

بغل میں دشمن اپنے ہم نے پالے

نہ مہکے بوئے گل اے کاش یک چند

ابھی زخم جگر سارے ہیں آلے

کسے قید قفس میں یاد گل کی

پڑے ہیں اب تو جینے ہی کے لالے

ستایا میرؔ غم کش کو کنھوں نے

کہ پھر اب عرش تک جاتے ہیں نالے

qayamat hain ye chaspan jame wale

gulon ne jin ki khatir khirqe dale

wo kala chur hai khal-e-rukh-e-yar

ke so ankhon mein dil ho to chura le

nahin uthta dil-e-mahzon ka matam

khuda hi is musibat se nikale

kahan tak dur baithe baithe kahiye

kabhu to pas ham ko bhi bala le

dila bazi na kar un gesuon se

nahin asan khilane sanp kale

tapish ne dil jigar ki mar dala

baghal mein dushman apne ham ne pale

na mahke bu-e-gul ai kash yak chand

abhi zakhm-e-jigar sare hain ale

kise qaid-e-qafas mein yad gul ki

pare hain ab to jine hi ke lale

sataya mir-e-gham kash ko kanhon ne

ke phir ab arsh tak jate hain nale