قابو میں دل ہو تو کہیں شیدا نہ کیجئے
کشن کمار وقارقابو میں دل ہو تو کہیں شیدا نہ کیجئے
اپنے کو اپنے ہاتھ سے رسوا نہ کیجئے
دل لے کے بوسہ دیتے نہیں اور یہ کہتے ہیں
اپنے پرائے میں کہیں چرچا نہ کیجئے
رندان بادہ خوار میں ہے عیب سرکشی
خم کس طرح سے گردن مینا نہ کیجئے
عیسیٰ سے ان کی چشم سخن گو یہ کہتی ہے
میرے مریض عشق کو اچھا نہ کیجئے
منہ پھیریے نہ لال شکر کھا کے بوسہ سے
دل اپنے تلخ کام کا کھٹا نہ کیجئے
خونریزیاں ٹپکتی ہیں پائے حنائی سے
فتنہ خرام ناز کا برپا نہ کیجئے
آغاز عشق کو دیا انجام گریہ نے
اب کیا وقارؔ کیجئے اور کیا نہ کیجئے
qabu mein dil ho to kahin shaida na kijiye
apne ko apne hath se ruswa na kijiye
dil le ke bosa dete nahin aur ye kahte hain
apne parae mein kahin charcha na kijiye
rindan-e-bada khwar mein hai aib sarkashi
kham kis tarah se gardan-e-mina na kijiye
isa se un ki chashm-e-sukhan go ye kahti hai
mere mariz-e-ishq ko achchha na kijiye
munh pheriye na lal shukr kha ke bosa se
dil apne talkh kam ka khata na kijiye
khunreziyan tapakti hain pae hinai se
fitna khiram-e-naz ka barpa na kijiye
aghaz-e-ishq ko diya anjam girya ne
ab kya waqar kijiye aur kya na kijiye