فکر ہستی ہے نہ احساس اجل

فکر ہستی ہے نہ احساس اجل

یہ خرد ہے یا دماغوں کا خلل

زندگی بے کشمکش ملتی نہیں

آندھیوں سے کھیل طوفانوں میں چل

چھا رہی ہیں عبرتیں ہی عبرتیں

حلقۂ اوہام ہستی سے نکل

یہ محبت کی رہ‌ دشوار ہے

ڈگمگاتے ہیں قدم ناداں سنبھل

غم سے ہوتی ہے حقیقت آشکار

مضطرب موجوں میں کھلتا ہے کنول

وقت کی آواز سننا چاہئے

وقت کا فرمان ہوتا ہے اٹل

غم اگر قسمت میں ہو لکھا ہوا

ہوشؔ کام آتے نہیں سعی و عمل

fikr-e-hasti hai na ehsas-e-ajal

ye khirad hai ya dimaghon ka khalal

zindagi be kashmakash milti nahin

andhiyon se khel tufanon mein chal

chha rahi hain ibraten hi ibraten

halqa-e-auham-e-hasti se nikal

ye mohabbat ki rah dushwar hai

dagmagate hain qadam nadan sambhal

gham se hoti hai haqiqat ashkar

muztarib maujon mein khulta hai kanwal

waqt ki awaz sunna chahiye

waqt ka farman hota hai atal

gham agar qismat mein ho likha hua

hosh kam ate nahin sai-o-amal