قاصد نئی ادا سے ادائے پیام ہو — احسن مارہروی

Arooz is now on the App Store, for iPhone and iPad. Download →

احسن مارہروی

قاصد نئی ادا سے ادائے پیام ہو

مطلب یہ ہے کہ بات نہ ہو اور کلام ہو

باقی ہے شوق راہ میں کیوں کر قیام ہو

ہاتھ آئیں ان کے پاؤں تو منزل تمام ہو

کیا خوش ہو دل کہ ہے وہ جفا جو زمیں سے دور

تم کیسے آسمان کے قائم مقام ہو

فرماں روائے حسن کو ہوتا نہیں فروغ

جب تک نہ عشق اس کا مدار المہام ہو

احسنؔ وہ سن کے شکوۂ تشہیر کہہ گئے

ہم جانتے ہیں تم کو بڑے نیک نام ہو