قاصد کو دے نہ اے دل اس گل بدن کی پاتی

قاصد کو دے نہ اے دل اس گل بدن کی پاتی

چل خود ہی لے چلیں ہم اپنے سجن کی پاتی

ہر سطر موج شیریں اک مدعا رکھے ہے

ٹک دیکھ جوئے پر خوں ہے کوہ کن کی پاتی

کاغذ ہری زمیں کا نہیں دیکھتا کہ شاید

پہنچے نہ اس ہنر سے اس کو ہمن کی پاتی

منفذ نگہ کا آنسو گھیرے ہی لیں ہیں پیارے

بانچوں سو کس طرح سے اب میں تمہن کی پاتی

آوارہ داغ دل ہیں نالے سے یوں کہ جیسے

باد خزاں سے درہم ہووے چمن کی پاتی

قائمؔ لکھا تھا اس نے آنے کا شب کو وعدہ

سو دن میں دیکھی سو دم اس سیم تن کی پاتی

qasid ko de na ai dil us gul badan ki pati

chal khud hi le chalen ham apne sajan ki pati

har satr mauj-e-shirin ik muddaa rakhe hai

tuk dekh joe pur khun hai koh kin ki pati

kaghaz hari zamin ka nahin dekhta ke shayad

pahunche na is hunar se us ko haman ki pati

manfaz nigah ka ansu ghere hi len hain pyare

banachon so kis tarah se ab main tumhan ki pati

awara dagh-e-dil hain nale se yun ke jaise

bad-e-khizan se dirham howe chaman ki pati

qaim likha tha us ne ane ka shab ko waada

so din mein dekhi so dam is sim tan ki pati