قتل پہ تیرے مجھے کد چاہئے

قتل پہ تیرے مجھے کد چاہئے

خوب ہے یہ اپنے کا بد چاہئے

زلف کے کوچوں کی درازی نہ پوچھ

چلنے کو واں عمر ابد چاہئے

دل کی میں کرتا نہیں جھوٹی صلاح

مال ہے سرکار کا جد چاہئے

فوج کی ہے اشک کی حالت تباہ

آہ سے اس وقت مدد چاہئے

شیخ کی عزت ہے من الواحیات

کفش نہ ہووے تو لکد چاہئے

پشم ہے یاں مسند قاقم کا فرش

گھر میں فقیروں کے نمد چاہئے

پس رو احمد ہو کہ مرنا ہے کل

راہ نہ دیدہ کو بلد چاہئے

ہم سے یہ کیا ناخوش و قائمؔ سے خوش

جو ہو میاں حصہ رسد چاہئے

qatl pe tere mujhe kad chahiye

khub hai ye apne ka bad chahiye

zulf ke kuchon ki darazi na puchh

chalne ko wan umr-e-abad chahiye

dil ki main karta nahin jhuti salah

mal hai sarkar ka jid chahiye

fauj ki hai ashk ki halat tabah

ah se is waqt-e-madad chahiye

shaikh ki izzat hai man alwahyat

kafsh na howe to lakad chahiye

pasham hai yan masnad qaqum ka farsh

ghar mein faqiron ke namad chahiye

pas ro ahmad ho ke marna hai kal

rah na dida ko balad chahiye

ham se ye kya nakhush-o-qaim se khush

jo ho miyan hissa rasad chahiye