قبر میں اب کسی کا دھیان نہیں

قبر میں اب کسی کا دھیان نہیں

سچ ہے جب جی نہیں جہان نہیں

بند بلبل ہی کی زبان نہیں

ورنہ گل تو ہلاتے کان نہیں

دل نے خود الفت کمر کی ہے

اس میں کچھ میرا درمیان نہیں

ابھی کیا کیا نہ ہوگا حرج نصیب

ہم نہیں ہیں کہ امتحان نہیں

دیر کیوں زاہدوں نے چھوڑ دیا

کیا بتوں میں خدا کی شان نہیں

شمس کیسا چمک کے نکلا ہے

آج میرا جو مہربان نہیں

بات کیا ہے سخیؔ جو وہ ہم سے

ایسے چپ ہیں کہ کچھ بیان نہیں

qabr mein ab kisi ka dhyan nahin

sach hai jab ji nahin jahan nahin

band-e-bulbul hi ki zaban nahin

warna gul to hilate kan nahin

dil ne khud ulfat-e-kamar ki hai

is mein kuchh mera darmiyan nahin

abhi kya kya na hoga haraj nasib

ham nahin hain ke imtihan nahin

der kyun zahidon ne chhor diya

kya buton mein khuda ki shan nahin

shams kaisa chamak ke nikla hai

aj mera jo mehrban nahin

bat kya hai sakhi jo wo ham se

aise chup hain ke kuchh bayan nahin