قاصد ترے بار بار آئے

قاصد ترے بار بار آئے

ایک ہفتہ میں تین چار آئے

قاتل پہ جو سر کو وار آئے

بار تن زار اتار آئے

آشفتگی ہو نصیب دشمن

تم زلف نہ کیوں سنوار آئے

اب کی جو نہ چھوٹے فصل گل میں

پھر دیکھیے کب بہار آئے

دل میں نہیں اس کی کچھ کدورت

آئینہ پہ کیا غبار آئے

جھولی رہی اپنی گل سے خالی

دامن میں الجھ کے خار آئے

گل کھانا مرا تپ الم سے

بلبل جو سنے بخار آئے

آیا جو سخیؔ مۂ محرم

ہم بزم میں اشک بار آئے

qasid tire bar bar ae

ek hafta mein tin char ae

qatil pe jo sar ko war ae

bar-e-tan zar utar ae

ashuftagi ho nasib dushman

tum zulf na kyun sanwar ae

ab ki jo na chhote fasl-e-gul mein

phir dekhiye kab bahar ae

dil mein nahin us ki kuchh kudurat

aina pe kya ghubar ae

jholi rahi apni gul se khali

daman mein ulajh ke khar ae

gul khana mira tap-e-alam se

bulbul jo sune bukhar ae

aya jo sakhi mah-e-mahram

ham bazm mein ashk bar ae