قتل عشاق کیا کرتے ہیں

قتل عشاق کیا کرتے ہیں

بت کہاں خوف خدا کرتے ہیں

سر مرا تن سے جدا کرتے ہیں

درد کی آپ دوا کرتے ہیں

آتش غم نے مگر پھونک دیا

دل سے شعلے جو اٹھا کرتے ہیں

جامۂ سرخ ترا دیکھ کے گل

پیرہن اپنا قبا کرتے ہیں

خون روتے ہیں چمن میں بلبل

ہم گلوں سے جو ہنسا کرتے ہیں

خم ابروئے صنم کو دیکھیں

ہم یہ کعبے میں دعا کرتے ہیں

اپنے ساقی کو شب فرقت میں

پانی پی پی کے دعا کرتے ہیں

روز دو چار کا خون کرتا ہے

دست و پا سرخ رہا کرتے ہیں

مر گئے پر ہدف تیر ہے خاک

جا بجا تودے بنا کرتے ہیں

دہن زخم سے ہم قاتل کے

تیغ کو چوم لیا کرتے ہیں

شور محشر سے ڈریں کیا عاشق

ایسے ہنگامے ہوا کرتے ہیں

ہوتے ہیں دل میں نہایت نادم

خون جو بے جرم کیا کرتے ہیں

مہندی ملنے کے بہانے قاتل

کف افسوس ملا کرتے ہیں

عوض بادہ غم ساقی میں

خون دل اپنا پیا کرتے ہیں

پاؤں تک ہاتھ نہ پہنچا اس کی

ہاتھ ہیہات ملا کرتے ہیں

جو ہمیں بھول گیا ہے ظالم

اس کو ہم یاد کیا کرتے ہیں

ناتوانی نے دیے پر ہم کو

جیون پر کاہ اڑا کرتے ہیں

ہم بنے چاند کے ہالے گویاؔ ہیں

گرد اس مہ کے رہا کرتے ہیں

qatl-e-ushshaq kiya karte hain

but kahan khauf-e-khuda karte hain

sar mira tan se juda karte hain

dard ki ap dawa karte hain

atish-e-gham ne magar phunk diya

dil se shole jo utha karte hain

jama-e-surkh tira dekh ke gul

pairahan apna qaba karte hain

khun rote hain chaman mein bulbul

ham gulon se jo hansa karte hain

kham-e-abru-e-sanam ko dekhen

ham ye kaabe mein dua karte hain

apne saqi ko shab-e-furqat mein

pani pi pi ke dua karte hain

roz do char ka khun karta hai

dast-o-pa surkh raha karte hain

mar gae par hadaf-e-tir hai khak

ja baja taude bana karte hain

dahan-e-zakhm se ham qatil ke

tegh ko chum liya karte hain

shor-e-mahshar se daren kya ashiq

aise hangame hua karte hain

hote hain dil mein nihayat nadim

khun jo be jurm kya karte hain

mehndi milne ke bahane qatil

kaf-e-afsos mila karte hain

ewaz-e-bada gham saqi mein

khun-e-dil apna piya karte hain

paon tak hath na pahuncha us ki

hath hehat mila karte hain

jo hamen bhul gaya hai zalim

us ko ham yad kiya karte hain

natawani ne diye par ham ko

jiwan par kah ura karte hain

ham bane chand ke hale goya hain

gard us mah ke raha karte hain