قبر پر باد فنا آئیے گا

قبر پر باد فنا آئیے گا

بے محل پاؤں نہ پھیلائیے گا

لاکھ ہو وصل کا وعدہ لیکن

وقت پر صاف نکل جائیے گا

جائیں دم بھر کو تو فرماتے ہیں

چھاؤنی تو نہ کہیں چھائیے گا

سر ہوئے اس کے ملمع سے نہ آپ

زلف مشکیں سے خطا پائیے گا

نہ کریں آپ وفا ہم کو کیا

بے وفا آپ ہی کہلائیے گا

اٹھ گیا دل سے دوئی کا پردا

چھپ کے اب آپ کہاں جائیے گا

کہکشاں صاف بنے گا رستہ

آپ توسن کو جو چمکائیے گا

رنگ لائے گی نزاکت بڑھ کر

پھول کے بار سے پتائیے گا

کیا کریں وصف دہن ڈرتے ہیں

منہ میں جو آئے گا فرمائیے گا

زلف کو ہاتھ لگائیں گے جو ہم

بیڑیاں پاؤں میں پہنائیے گا

دیکھیں رغبت سے تو کہتا ہے وہ شوخ

کوئی حلوا ہے کہ کھا جائیے گا

کیا کیا عشق نے کیوں حضرت دل

ہم نہ کہتے تھے کہ پچھتائیے گا

آپ چلتے تو ہیں اٹکھیلیوں سے

کوئی آفت نہ کہیں لائیے گا

اے صباؔ عشق پری رویاں میں

آدمیت سے گزر جائیے گا

qabr par bad fana aiyega

be mahal paon na phailaiyega

lakh ho wasl ka waada lekin

waqt par saf nikal jaiyega

jaen dam bhar ko to farmate hain

chhaoni to na kahin chhaiyega

sar hue us ke mulammaa se na ap

zulf-e-mushkin se khata paiyega

na karen ap wafa ham ko kiya

be wafa ap hi kahlaiyega

uth gaya dil se dui ka parda

chhup ke ab ap kahan jaiyega

kahkashan saf banega rasta

ap tosun ko jo chamkaiyega

rang laegi nazakat barh kar

phul ke bar se pataye ga

kya karen wasf-e-dahan darte hain

munh mein jo aega farmaiyega

zulf ko hath lagaenge jo ham

beriyan paon mein pahnaiyega

dekhen raghbat se to kahta hai wo shokh

koi halwa hai ke kha jaiyega

kya kiya ishq ne kyun hazrat-e-dil

ham na kahte the ke pachhtaiyega

ap chalte to hain atkheliyon se

koi afat na kahin laiyega

ai saba ishq pari rawiyan mein

admiyyat se guzar jaiyega