اجازت دے کہ اپنی داستان غم بیاں کر لیں

اجازت دے کہ اپنی داستان غم بیاں کر لیں

ترے احساس اور اپنی زباں کا امتحاں کر لیں

حیات جاوداں بھی عشق میں برباد کر لیں گے

متاع ہستی فانی تو پہلے رائیگاں کر لیں

یہ سازش کر رہے ہیں چند تنکے آشیانے کے

کہ بجلی کو کسی صورت اسیر آشیاں کر لیں

شب غم اے تصور ان کو مجبور تبسم کر

مرتب اس اجالے میں ہم اپنی داستاں کر لیں

ٹھکانا ہو کہاں سیمابؔ پھر ناز آفرینی کا

اگر ہم اپنے دل کو بے نیاز دو جہاں کر لیں

ijazat de ke apni dastan-e-gham bayan kar len

tire ehsas aur apni zaban ka imtihan kar len

hayat-e-jawedan bhi ishq mein barbad kar lenge

mata-e-hasti-e-fani to pahle raigan kar len

ye sazish kar rahe hain chand tinke ashiyane ke

ke bijli ko kisi surat asir-e-ashiyan kar len

shab-e-gham ai tasawwur un ko majbur-e-tabassum kar

murattib is ujale mein ham apni dastan kar len

thikana ho kahan simab phir naz afrini ka

agar ham apne dil ko be niyaz do jahan kar len