فریب جلوہ کہاں تک بروئے کار رہے

فریب جلوہ کہاں تک بروئے کار رہے

نقاب اٹھاؤ کہ کچھ دن ذرا بہار رہے

خراب شوق رہے وقف انتظار رہے

اب اور کیا ترے وعدوں کا اعتبار رہے

میں راز عشق کو رسوا کروں معاذ اللہ

یہ بات اور ہے دل پر نہ اختیار رہے

چمن میں رکھ تو رہا ہوں بنا نشیمن کی

خدا کرے کہ زمانہ بھی سازگار رہے

جنوں کا رخ ہے حریم حیات کی جانب

الٰہی پردۂ اوہام اعتبار رہے

fareb-e-jalwa kahan tak baru-e-kar rahe

naqab uthao ke kuchh din zara bahar rahe

kharab-e-shauq rahe waqf-e-intizar rahe

ab aur kiya tire waadon ka etibar rahe

main raz-e-ishq ko ruswa karun maaz allah

ye bat aur hai dil par na ikhtiyar rahe

chaman mein rakh to raha hun bana nasheman ki

khuda kare ke zamana bhi sazgar rahe

junun ka rukh hai harim-e-hayat ki janib

ilahi parda-e-auham etibar rahe