فروغ مہر سے رندوں کا آخر کام کیا ہوگا

فروغ مہر سے رندوں کا آخر کام کیا ہوگا

زمیں پر دور چلتا ہے فلک پر جام کیا ہوگا

یہ میں جانوں کہ میں نے کیوں کیا آغاز الفت کا

یہ وہ جانیں کہ اس آغاز کا انجام کیا ہوگا

ترا ترک ستم تمہید ہے ترک تعلق کی

مجھے اس دل شکن آرام سے آرام کیا ہوگا

پریشاں میں نہیں لیکن جفا پر تم پشیماں ہو

وفا پر میری اس سے بڑھ کے اور الزام کیا ہوگا

شرابی ہے وہی رگ رگ میں جس کی قدرتی مے ہو

نہ ہو کیف آفریں جو دل وہ مے آشام کیا ہوگا

خوشی ہوگی دوامی غم زدوں کو جب کبھی ہوگی

جسے ہر وقت ہو آرام اسے آرام کیا ہوگا

گماں تھا نیک مجھ پر نیک لوگوں کا سو اب تک ہے

مگر اب میں کہاں ناطقؔ مجھے الہام کیا ہوگا

farogh-e-mehr se rindon ka akhir kam kya hoga

zamin par dur chalta hai falak par jam kya hoga

ye main janun ke main ne kyun kiya aghaz-e-ulfat ka

ye wo janen ke is aghaz ka anjam kya hoga

tira tark-e-sitam tamhid hai tark-e-taalluq ki

mujhe is dil shikan aram se aram kya hoga

pareshan mein nahin lekin jafa par tum pasheman ho

wafa par meri is se barh ke aur ilzam kya hoga

sharabi hai wahi rag rag mein jis ki qudrati mai ho

na ho kaif afrin jo dil wo mai asham kya hoga

khushi hogi dawami gham zadon ko jab kabhi hogi

jise har waqt ho aram use aram kya hoga

guman tha nek mujh par nek logon ka so ab tak hai

magar ab main kahan natiq mujhe ilham kya hoga