فراق یار کا خطرہ وصال یار میں ہے

فراق یار کا خطرہ وصال یار میں ہے

خزاں کی فکر خزاں میں نہ تھی بہار میں ہے

الجھ رہا ہوں کہ دل میرا کس شمار میں ہے

نہ اختیار سے باہر نہ اختیار میں ہے

چمن کہاں جو خیال خزاں چمن میں رہے

بہار ہی وہ نہیں ہوش جس بہار میں ہے

یہاں تو ذکر کو کافی نہیں دلی حرکات

ہزار دانہ کی تسبیح کس شمار میں ہے

چمن میں جا کے گریباں کو چاک کر ناطقؔ

سنا ہے موسم گل تیرے انتظار میں ہے

firaq-e-yar ka khatra wisal-e-yar mein hai

khizan ki fikr khizan mein na thi bahar mein hai

ulajh raha hun ke dil mera kis shumar mein hai

na ikhtiyar se bahar na ikhtiyar mein hai

chaman kahan jo khayal-e-khizan chaman mein rahe

bahar hi wo nahin hosh jis bahar mein hai

yahan to zikr ko kafi nahin dili harkat

hazar dana ki tasbih kis shumar mein hai

chaman mein ja ke gareban ko chak kar natiq

suna hai mausam-e-gul tere intizar mein hai