فتنۂ روزگار کی باتیں

فتنۂ روزگار کی باتیں

ایسی ہیں جیسے یار کی باتیں

ہجر میں وصل یار کی باتیں

ہیں خزاں میں بہار کی باتیں

لالہ و گل کے ذکر سے بہتر

ایک جان بہار کی باتیں

چھیڑ کے ساتھ نوک جھوک بھی ہے

گل سے ہوتی ہیں خار کی باتیں

سب سمجھتے ہیں میں کہوں نہ کہوں

اس دل بے قرار کی باتیں

چھیڑ دیتا ہوں دل لگی کے لئے

وصل میں انتظار کی باتیں

جو نہ تم روٹھتے تو کر لیتے

اور دو چار پیار کی باتیں

ننگ ہیں عزم مستقل کے لئے

دہر نا پائیدار کی باتیں

دل نشیں ہیں بسنت میں کیفیؔ

یہ شراب و خمار کی باتیں

fitna-e-rozgar ki baten

aisi hain jaise yar ki baten

hijr mein wasl-e-yar ki baten

hain khizan mein bahar ki baten

lala-o-gul ke zikr se behtar

ek jan-e-bahar ki baten

chher ke sath nok jhok bhi hai

gul se hoti hain khar ki baten

sab samajhte hain main kahun na kahun

is dil-e-be qarar ki baten

chher deta hun dil lagi ke liye

wasl mein intizar ki baten

jo na tum ruthte to kar lete

aur do char pyar ki baten

nang hain azm-e-mustaqil ke liye

dahr na paidar ki baten

dil nashin hain basant mein kaifi

ye sharab-o-khumar ki baten