فرق کچھ تو چاہیئے اغیار سے
میر تسکین دہلویفرق کچھ تو چاہیئے اغیار سے
سر الفت ہم چھپائیں یار سے
اپنی آنکھوں سے اگر تشبیہ دوں
اشک ٹپکے روزن دیوار سے
بات ان کی معتبر ہے سچ کہا
حال میرا پوچھئے اغیار سے
اس کی چوٹی میں نہیں موباف سرخ
اٹھے ہیں شعلے دہان مار سے
دھوپ میں بیٹھوں کہ خجلت سے عدو
بھاگ جائیں سایۂ دیوار سے
پاس سے تیرے اٹھاتی غیر کو
زور ہو سکتا جو چشم زار سے
چھوٹتی ہیں منہ پہ کیا مہتابیاں
وصل کے دن سایۂ دیوار سے
سو طرح کی فکر میں تسکیںؔ پڑے
دل لگا کر اس بت عیار سے
farq kuchh to chahiye aghyar se
sar-e-ulfat ham chhupaen yar se
apni ankhon se agar tashbih dun
ashk tapke rauzan-e-diwar se
bat un ki motabar hai sach kaha
hal mera puchhiye aghyar se
us ki choti mein nahin mubaf surkh
uthe hain shole dahan-e-mar se
dhup mein baithun ke khajlat se adu
bhag jaen saya-e-diwar se
pas se tere uthati ghair ko
zor ho sakta jo chashm-e-zar se
chhutti hain munh pe kya mahtabiyan
wasl ke din saya-e-diwar se
sau tarah ki fikr mein taskin pare
dil laga kar us but-e-ayyar se