فرزند پیمبر کا مدینے سے سفر ہے

فرزند پیمبر کا مدینے سے سفر ہے

سادات کی بستی کے اجڑنے کی خبر ہے

در پیش ہے وہ غم، کہ جہاں زیر و زبر ہے

گل چاک گریباں ہیں صبا خاک بہ سر ہے

گل رو صفتِ غنچہ کمر بستہ گھڑے ہیں

سب ایک جگہ صورتِ گلدستہ کھڑے ہیں

آراستہ ہیں بہر سفر، سروِ قبا پوش

عمامے سروں پر ہیں عبائیں بسر دوش

یارانِ وطن ہوتے ہیں آپس میں ہم آغوش

حیراں کوئی تصویر کی صورت کوئی خاموش

منہ ملتا ہے رو کر کوئی سرور کے قدم پر

گر پڑتا ہے کوئی علیؔ اکبر کے قدم پر

عباسؔ کا منہ دیکھ کے کہتا ہے کوئی آہ

اب آنکھوں سے چھپ جائے گی تصویر یداللہ

کہتے ہیں گلے مل کے یہ قاسم کے ہوا خواہ

واللہ دلوں پر ہے عجب صدمۂ جانکاہ

ہم لوگوں سے شیریں سخنی کون کرے گا

یہ انس، یہ خُلقِ حسنی کون کرے گا

روتے ہیں وہ، جو عون و محمد کے ہیں، ہم سن

کہتے ہیں کہ مکتب میں نہ جی بہلے گا تم بن

اس داغ سے چین آئے ہمیں، یہ نہیں ممکن

گرمی کا مہینہ ہے سفر کے یہ نہیں دن

تم حضرتِ شبیرؔ کے سایے میں پلے ہو

کیوں دھوپ کی تکلیف اٹھانے کو چلے ہو

ہم جولیوں سے کہتے تھے وہ دونوں برادر

ہاں بھائیو تم بھی ہمیں یاد آؤ گے اکثر

پالا ہے ہمیں شاہ نے، ہم جائیں نہ کیوں کر

ماموں رہیں جنگل میں تو اپنا ہے وہی گھر

وہ دن ہو کہ ہم حقِّ غلامی سے ادا ہوں

تم بھی یہ دعا مانگو کہ ہم شہ پہ فدا ہوں

رخصت کے لئے لوگ چلے آتے ہیں باہم

ہر قلب حزیں ہے، تو ہر اک چشم ہے پُر نم

ایسا نہیں گھر کوئی کہ جس میں نہیں ماتم

غل ہے کہ چلا دلبرِ مخدومۂ عالم

خدام کھڑے پیٹتے ہیں قبر نبی کے

روضہ پہ اداسی ہے رسولِ عربی کے

ہے جب سے کھلا حالِ سفر بند ہے بازار

یہ جنسِ غم ارزاں ہے کہ روتے ہیں دکاں دار

خاک ارتی ہے ویرانیِ یثرب کے ہیں آثار

ہر کوچے میں ہے شور، کہ ہے ہے شہِ ابرار

اب یاں کوئی والی نہ رہا آہ ہمارا

جاتا ہے مدینے سے شہنشاہ ہمارا

تدبیر سفر میں ہیں ادھر سبطِ پیمبر

گھر میں کبھی آتے ہیں کبھی جاتے ہیں باہر

اسباب نکلواتے ہیں عباسؔ دلاور

تقسیم سواری کے تردد میں ہیں اکبرؔ

شہ کو جنہیں لے جانا ہے، وہ پاتے ہیں گھوڑے

خالی ہوا اصطبل، چلے آتے ہیں گھوڑے

حاضر درِ دولت پہ ہیں، سب یاور و انصار

کوئی تو کمر باندھتا ہے اور کوئی ہتھیار

ہودج بھی کسے جاتے ہیں، محمل بھی ہیں تیار

چلاتے ہیں درباں، کؤی آئے نہ خبردار

ہر محمل و ہودج پہ گھٹا ٹوپ پڑے ہیں

پردے کی قناتیں لئے فراش کھڑے ہیں

عوراتِ محلہ چلی آتی ہیں بصد غم

کہتی ہیں یہ دن رحلتِ زہراؔ سے نہیں کم

پُرسے کی طرح رونے کا غل ہوتا ہے ہر دم

فرش اٹھتا ہے کیا بچھتی ہے گویا صفِ ماتم

غل ہوتا ہے ہر سمت، جدا ہوتی ہے زینبؔ

ہر اک کے گلے ملتی ہے اور روتی ہے زینبؔ

لے لے کے بلائیں یہی سب کرتی ہیں تقریر

اس گرمی کے موسم میں کہاں جاتے ہیں شبیرؔ

سمجھاتی نہیں بھائی کو اے شاہ کی ہمشیر

مسلم کا خط آ لے تو کریں کوچ کی تدبیر

للّٰلہ ابھی قبر پیمبرؐ کو نہ چھوڑیں

گھر فاطمہؔ زہرا کا ہے اس گھر کو نہ چھوڑیں

وہ گھر ہے ملک رہتے تھے جس گھر کے نگہباں

کیوں اپنے بزرگوں کا مکاں کرتے ہیں ویراں

کوفے کی بھی خلقت تو نہیں صاحب ایماں

بی بی یہ مدینے کی تباہی کا ہے ساماں

ایک ایک شقی دشمنِ اولادِ علیؔ ہے

شمشیر ستم واں سرِ حیدر پہ چلی ہے

اجڑے گا مدینہ جو یہ گھر ہوئے گا خالی

بربادیِ یثرب کی بنا چرخ نے ڈالی

کیا جانیں پھر آئیں کہ نہ آئیں شہِ عالی

حضرت کے سوا کون ہے اس شہر کا والی

زہراؔ ہیں نہ حیدرؔ نہ پیمبر نہ حسنؔ ہیں

اب ان کی جگہ آپ ہیں یا شاہِ زمن ہیں

گرمی کا یہ دن اور پہاڑوں کا سفر آہ

ان چھوٹے سے بچوں کا نگہبان ہے اللہ

رستے کی مشقت سے کہاں ہیں ابھی آگاہ

ان کو تو نہ لے جائیں سفر میں شہِ ذی جاہ

قطرہ بھی دمِ تشنہ دہانی نہیں ملتا

کوسوں تلک اس راہ میں پانی نہیں ملتا

منہ دیکھ کے اصغر کا چلا آتا ہے رونا

آرام سے مادر کی کہاں گود میں سونا

جھولا یہ کہاں اور کہاں نرم بچھونا

لکھا تھا اسی سن میں مسافر انہیں ہونا

کیا ہوگا جو میداں میں ہوا گرم چلے گی

یہ پھول سے کمھلائیں گے، ماں ہاتھ ملے گی

ان بیبیوں سے کہتی تھی یہ شاہ کی ہمشیر

بہنوں ہمیں یثرب سے لئے جاتی ہے تقدیر

اس شہر میں رہنا نہیں ملتا کسی تدبیر

یہ خط پہ خط آئے ہیں کہ مجبور ہیں شبیرؔ

مجھ کو بھی ہے رنج ایسا کہ کچھ کہہ نہیں سکتی

بھائی سے جدا ہو کے مگر رہ نہیں سکتی

اماں کی لحد چھوڑ کے میں یاں سے نہ جاتی

فاقے بھی اگر ہوتے تو غم اس کا نہ کھاتی

بھائی کی طرف دیکھ کے شق ہوتی ہے چھاتی

بے جائے، مجھے بات کوئی بن نہیں آتی

ظاہر میں تو مابین لحد سوتی ہیں اماں

میں خواب میں جب دیکھتی ہوں روتی ہیں اماں

ہے روح پہ اماں کی قلق کرتی ہیں زاری

سر پیٹتے میں نے انہیں دیکھا کئی باری

روداد بیاں کر گئی ہیں مجھ سے وہ ساری

فرماتی تھیں بھائی سے خبر دار میں واری

غم خوار ہے تو اور خدا حافظِ جاں ہے

نہ باپ ہے سر پر مرے بچے کے نہ ماں ہے

یاد آتی ہے ہر دم مجھے اماں کی مصیبت

کچھ جان کی تھی فکر نہ ان کو دمِ رحلت

آہستہ یہ فرماتی تھیں باصد غم و حسرت

شبیرؔ سدھارے جو سوئے وادیِٔ غربت

اس دن مری تربت سے بھی منہ موڑیو زینبؔ

اس بھائی کو تنہا نہ کبھی چھوڑیو زینبؔ

اماں کی وصیت کو بجا لاؤں نہ کیوں کر

گھر بھائی سے تھا بھائی نہ ہوگا تو کہاں گھر

دو بہنیں ہیں ماں جائیاں اور ایک برادر

رسی سے بندھے ہاتھ کہ بلوے میں کھلے سر

جو ہووے سو ہو بھائی کے ہمراہ ہے زینبؔ

اس کوچ کے انجام سے آگاہ ہے زینبؔ

یہ کہتی تھی زینبؔ کہ پکارے شہِ عادل

تیار ہیں دروزاے پہ سب ہودج و محمل

طے شام تلک ہوگی کہیں آج کی منزل

رخصت کرو لوگوں کو بس اب رونے سے حاصل

چلتی ہے ہوا سرد ابھی وقت سحر ہے

بچے کئی ہمراہ ہیں گرمی کا سفر ہے

رخصت کرو ان کو جو کہ ہیں ملنے کو آئے

کہہ دو کوئی گہوارۂ اصغر کو بھی لائے

نادان سکینہؔ کہیں آنسو نہ بہائے

جانے کی خبر میری نہ صغراؔ کہیں پائے

ڈر ہے کہیں گھبرا کے نہ دم اس کا نکل جائے

باتیں کرو ایسی کہ وہ بیمار بہل جائے

رخصت کو ابھی قبر پیمبر پہ ہے جانا

کیا جانیے پھر ہو کہ نہ ہوئے مرا آنا

اماں کی لحد پر ہے ابھی اشک بہانا

اس مرقدِ انور کو ہے آنکھوں سے لگانا

آخر تو لئے جاتی ہے، تقدیر وطن سے

چلتے ہوئے ملنا ہے ابھی قبرِ حسن سے

سن کر یہ سخن بانوئے ناشاد پکاری

میں لٹتی ہوں کیسا سفر اور کیسی سواری

غش ہو گئی ہے فاطمہؔ صغرا مری پیاری

یہ کس کے لئے کرتے ہیں سب گریہ و زاری

اب کس پہ میں اس صاحبِ آزار کو چھوڑوں

اس حال میں کس طرح سے بیمار کو چھوڑوں

ماں ہوں میں، کلیجہ نہیں، سینہ میں سنبھلتا

صاحب مرے دل کو ہے کوئی ہاتھوں سے ملتا

میں تو اسے لے چلتی، یہ کچھ بس نہیں چلتا

رہ جاتیں جو بہنیں بھی تو دل اس کا بہلتا

دروازے پہ تیار سواری پہ کھڑی ہے

پر اب تو مجھے جان کی صغراؔ کی پڑی ہے

چلاتی تھی کبراؔ کہ بہن آنکھ تو کھولو

کہتی تھی سکینہؔ کہ ذرا منہ سے تو بولو

ہم جاتے ہیں تم اٹھ کے بغل گیر تو ہو لو

چھاتی سے لگو باپ کی دل کھول کے رو لو

تم جس کی ہو شیدا وہ برادر نہ ملے گا

گھر بھر میں جو ڈھونڈو گی تو اکبر نہ ملے گا

ہشیار ہو کیا صبح سے بیہوش ہے خواہر

اصغرؔ کو کرو پیار کلیجے سے لگا کر

چھاتی سے لگو اٹھ کے کھڑی روتی ہیں مادر

ہم روتے ہیں دیکھو تو ذرا آنکھ اٹھا کر

افسوس، اسی طور سے غفلت میں رہو گی

کیا آخری بابا کی زیارت نہ کرو گی

سن کر یہ سخن شاہ کے آنسو نکل آئے

بیمار کے نزدیک گئے سر کو جھکائے

منہ دیکھ کے بانو کا سخن لب پہ یہ لائے

کیا ضعف و نقاہت ہے، خدا اس کو بچائے

جس صاحبِ آزار کا یہ حال ہو گھر میں

دانستہ میں کیوں کر اسے لے جاؤں سفر میں

کہہ کر یہ سخن بیٹھ گئے سید خوش خو

اور سورۂ الحمد پڑھا تھام کے بازو

بیمار نے پائی گلِ زہراؔ کی جو خوش بو

آنکھوں کو تو کھولا پہ ٹپکنے لگے آنسو

ماں سے کہا مجھ میں جو حواس آئے ہیں اماں

کیا میرے مسیحا مرے پاس آئے ہیں اماں

ماں نے کہا ہاں ہاں وہی آئے ہیں مری جاں

جو کہنا ہو کہہ لو کہ یہاں اور ہے ساماں

دیکھو تو ادھر روتے ہیں بی بی شہِ ذی شاں

صغراؔ نے کہا ان کی محبت کے میں قرباں

وہ کون سا ساماں ہے جو یوں روتے ہیں بابا

کھل کر کہو مجھ سے کہ جدا ہوتے ہیں بابا

یہ گھر کا سب اسباب گیا کس لئے باہر

نہ فرش، نہ ہے مسندِ فرزند پیمبر

دالان سے کیا ہوگیا گہورۂ اصغرؔ

اجڑا ہوا لوگو نظر آتا ہے مجھے گھر

کچھ منہ سے تو بولو مرا دم گھٹتا ہے اماں

کیا سبطِ پیمبر سے وطن چھٹتا ہے اماں

شبیرؔ کا منہ تکنے لگی بانوئے مغموم

صغراؔ کے لئے رونے لگیں زینبؔ و کلثومؔ

بیٹی سے یہ فرمانے لگی سیدِ مظلوم

پردہ رہا اب کیا تمہیں خود ہوگیا معلوم

تم چھٹتی ہو اس واسطے سب روتے ہیں صغراؔ

ہم آج سے آوارہ وطن ہوتے ہیں صغراؔ

اب شہر میں اک دم ہے ٹھہرنا مجھے دشوار

میں پا بہ رکاب، اور ہو تم صاحبِ آزار

پھر آتا ہے وہ گھر میں، سفر میں جو ہو بیمار

تکلیف تمہیں دوں یہ مناسب نہیں زنہار

غربت میں بشر کے لئے سو طرح کا ڈر ہے

میرا تو سفر رنج و مصیبت کا سفر ہے

لُو چلتی ہے خاک اڑتی ہے گرمی کے ہیں ایام

جنگل مین نہ راحت، نہ کہیں راہ میں آرام

بستی میں کہیں صبح، تو جنگل میں کہیں شام

دریا کہیں حائل، کہیں پانی کا نہیں نام

صحّت میں گوارا ہے جو تکلیف گذر جائے

اس طرح کا بیمار نہ مرتا ہو تو مرجائے

صغراؔ نے کہا کھانے سے خود ہے مجھے انکار

پانی جو کہیں راہ میں مانگوں تو گنہگار

کچھ بھوک کا شکوہ نہیں کرنے کی یہ بیمار

تبرید فقط آپ کا ہے شربتِ دیدار

گرمی میں بھی راحت سے گزر جائے گی بابا

آئے گا پسینہ تپ اتر جائے گی بابا

کیا تاب اگر منہ سے کہوں درد ہے سر میں

اف تک نہ کروں، بھڑکے اگر آگ جگر میں

بھولے سے بھی شب کو نہ کراہوں گی سفر میں

قربان گئی، چھوڑ نہ جاؤ مجھے گھر میں

ہو جانا خفا راہ میں گر روئے گی صغراؔ

یاں نیند کب آتی ہے جو واں سوئے گی صغراؔ

وہ بات نہ ہوگی، کہ جو بے چین ہوں مادر

ہر صبح میں پی لوں گی دوا آپ بنا کر

دن بھر، مری گودی میں رہیں گے علی اصغرؔ

لونڈی ہوں سکینہؔ کی، نہ سمجھو مجھے دختر

میں یہ نہیں کہتی کہ عماری میں بٹھا دو

بابا مجھے فضہ کی سواری میں بٹھا دو

شہہ بولے کہ واقف ہے مرے حال سے اللہ

میں کہہ نہیں سکتا مجھے درپیش ہے جو راہ

کھل جائے گا یہ راز بھی، گو تم نہیں آگاہ

ایسا بھی کوئی ہے جسے بیٹی کی نہ ہو چاہ

ناچار یہ فرقت کا الم سہتا ہوں صغراؔ

ہے مصلحتِ حق یہی جو کہتا ہوں صغراؔ

اے نورِ بصر آنکھوں پہ لے کر تجھے چلنا

تو مجھ سے بہلتی، مرا دل تجھ سے بہلتا

تپ ہے تجھے، اور غم سے جگر ہے مرا جلتا

یہ ضعف کہ دم تک نہیں سینے میں سنبھلتا

جز ہجر علاج اور کوئی ہو نہیں سکتا

دانستہ تمہیں ہاتھ سے میں کھو نہیں سکتا

منہ تکنے لگی ماں کا وہ بیمار بصد غم

چتون سے عیاں تھا کہ چلیں آپ موئے ہم

ماں کہتی تھی مختار ہیں، بی بی شہ عالم

میرے تو کلیجے پہ چھری چلتی ہے اس دم

وہ درد ہے جس درد سے چارا نہیں صغراؔ

تقدیر سے کچھ زور ہمارا نہیں صغراؔ

صغراؔ نے کہا کوئی کسی کا نہیں زنہار

سب کی یہی مرضی ہے کہ مر جائے یہ بیمار

اللہ نہ وہ آنکھ کسی کی ہے، نہ وہ پیار

اک ہم ہیں کہ ہیں، سب پہ فدا سب کے ہیں غم خوار

بیزار ہیں سب ایک بھی شفقت نہیں کرتا

سچ ہے کوئی مردے سے محبت نہیں کرتا

ہمشیر کے عاشق ہیں سلامت رہیں اکبرؔ

اتنا نہ کہا مر گئی یا جیتی ہے خواہر

میں گھر میں تڑپتی ہوں وہ ہیں صبح سے باہر

وہ کیا کریں برگشتہ ہے اپنا ہی مقدر

پوچھا نہ کسی نے کہ وہ بیمار کدھر ہے

نہ بھائیوں کو دھیان نہ بہنوں کو خبر ہے

کیا ان کو پڑی تھی جو وہ غم کھانے کو آتے

میں کون جو صورت مجھے دکھلانے کو آتے

ہوتی جو غرض چھاتی سے لپٹانے کو آتے

زلفیں جو الجھتی تو، سلجھوانے کو آتے

کل تک تو مرے حالِ پریشاں پہ نظر تھی

تقدیر کے اس پیچ کی مجھ کو نہ خبر تھی

مانوس سکینہؔ سے ہیں عباسؔ دلاور

میں کون ہوں جو میری خبر پوچھتے آ کر

سرسبز رہے خلق میں نو بادۂ شبّر

شادی میں بلائیں مجھے یہ بھی نہیں باور

بے دولہا بنے منہ کو چھپاتے ہیں ابھی سے

میں جیتی ہوں اور آنکھ چراتے ہیں ابھی سے

کس سے کہوں اس درد کو میں بیکس و رنجور

بہنیں بھی الگ مجھ سے ہیں اور بھائی بھی ہیں دور

اماں کا سخن یہ ہے کہ بیٹی میں ہوں مجبور

ہمراہیٔ بیمار کسی کو نہیں منظور

دنیا سے سفر، رنج و مصیبت میں لکھا تھا

تنہائی کا مرنا مری قسمت میں لکھا تھا

سب بیبیاں رونے لگیں سن سن کے یہ تقریر

چھاتی سے لگا کر اسے کہنے لگے شبیرؔ

لو صبر کرو، کوچ میں اب ہوتی ہے تاخیر

منہ دیکھ کے چپ رہ گئی وہ بیکس و دلگیر

نزدیک تھا دل چیر کے پہلو نکل آئے

اچھا تو کہا منہ سے پہ آنسو نکل آئے

بانو کو اشارہ کیا حضرت نے کہ جاؤ

اکبر کو بلاؤ، علیؔ اصغر کو بھی لاؤ

آئے علیؔ اکبر تو کہا شاہ نے آؤ

روٹھی ہے بہن تم سے گلے اس کو لگاؤ

چلتے ہوئے جی بھر کے ذرا پیار تو کر لو

لینے انہیں کب آؤ گے اقرار تو کر لو

پاس آن کے اکبرؔ نے یہ کی پیار کی تقریر

کیا مجھ سے خفا ہوگئیں صغراؔ مری تقصیر

چلانے لگی، چھاتی پہ منہ رکھ کے، وہ دلگیر

محبوب برادر ترے قربان یہ ہمشیر

صدقے ترے سر پر سے اتارے مجھے کوئی

بل کھائی ہوئی زلفوں پہ وارے مجھے کوئی

رخساروں پہ سبزے کے نکلنے کے میں صدقے

تلوار لئے شان سے چلنے کے میں صدقے

افسوس سے ان ہاتھوں کے ملنے کے میں صدقے

کیوں روتے ہو اشک آنکھوں سے ڈھلنے کے میں صدقے

جلد آن کے بھینا کی خبر لیجیو بھائی

بے میرے کہیں بیاہ نہ کر لیجیو بھائی

لکھنا مجھے نسبت کا اگر ہو کہیں سامان

حقدار ہوں میں نیگ کی میرا بھی رہے دھیان

اور مر گئی پیچھے تو رہے دل میں سب ارمان

لے آنا دولہن کو مری تربت پہ میں قربان

خوشنود مری روح کو کر دیجیو بھائی

حق نیگ کا تم قبر پہ دھر دیجیو بھائی

پیارے مرے بھیا مرے مہ رو، علیؔ اکبر

چھپ جائیں گے آنکھوں سے یہ گیسو، علیؔ اکبر

یاد آئے گی یہ جسم کی خوشبو، علیؔ اکبر

ڈھونڈھیں گی یہ آنکھیں تمہیں، ہر سو علیؔ اکبر

دل سینے میں کیوں کر تہہ و بالا نہ رہے گا

جب چاند چھپے گا تو اجالا نہ رہے گا

کیا گذرے گی جب گھر سے چلے جاؤ گے بھائی

کیسے مجھے ہر بات میں یاد آؤ گے بھائی

تشریف خدا جانیے کب لاؤ گے بھائی

کی دیر تو جیتا نہ ہمیں پاؤ گے بھائی

کیا دم کا بھروسہ کہ چراغِ سحری ہیں

تم آج مسافر ہو تو ہم کل سفری ہیں

ہا سچ ہے کہ بیمار کا بہتر نہیں جانا

صحت سے جو ہیں ان میں کہاں میرا ٹھکانا

بھیا جو اب آنا تو مری قبر پہ آنا

ہم گور کی منزل کی طرف ہوں گے روانا

کیا لطف کسی کو نہیں گر چاہ ہماری

وہ راہ تمہاری ہے تو یہ راہ ہماری

مرنا تو مقدم ہے، غم اس کا نہیں زنہار

ڈھڑکا ہے کہ جب ہوں گے عیاں موت کے آثار

قبلہ کی طرف، کون کرے گا رخِ بیمار

یٰسین بھی پڑھنے کو نہ ہوگا کوئی غم خوار

سانس اکھڑے گی جس وقت تو فریاد کروں گی

میں ہچکیاں لے لے کے تمہیں یاد کروں گی

ماں بولی یہ کیا کہتی ہے صغراؔ ترے قربان

گھبرا کے نہ اب تن سے نکل جائے مری جان

بیکس مری بچی، ترا اللہ نگہبان

صحّت ہو تجھے میری دعا ہے یہی ہر آن

کیا بھائی جدا بہنوں سے ہوتے نہیں بیٹا

کنبے کے لئے جان کو کھوتے نہیں بیٹا

میں صدقے گئی بس نہ کرو گریہ و زاری

اصغرؔ مرا روتا ہے صدا سن کے تمہاری

وہ کانپتے ہاتھوں کو اٹھا کر یہ پکاری

آ آ مرے ننھے سے مسافر ترے واری

چھٹتی ہے یہ بیمار بہن جان گئے تم

اصغرؔ مری آواز کو پہچان گئے تم

تم جاتے ہو اور ساتھ بہن جا نہیں سکتی

تپ ہے تمہیں چھاتی سے میں لپٹا نہیں سکتی

جو دل میں ہے لب پر وہ سخن لا نہیں سکتی

رکھ لوں تمہیں اماں کو بھی سمجھا نہیں سکتی

بیکس ہوں مرا کوئی مددگار نہیں ہے

تم ہو سو تمہیں طاقتِ گفتار نہیں ہے

معصوم نے جس دم یہ سنی درد کی گفتار

صغراؔ کی طرف ہاتھوں کو لٹکا دیا اک بار

لے لے کے بلائیں یہ لگی کہنے وہ بیمار

جھک جھک کے دکھاتے ہو مجھے آخری دیدار

دنیا سے کوئی دن میں گذر جائے گی صغراؔ

تم بھی یہ سمجھتے ہو کہ مر جائے گی صغراؔ

عباس نے اتنے میں یہ ڈیوڑھی سے پکارا

چلنے کو ہے اب قافلہ تیار ہمارا

لپٹا کے گلے فاطمہؔ صغرا کو دوبارا

اٹھے شہِ دیں، گھر تہہ و بالا ہوا سارا

جس چشم کو دیکھا سو وہ پر نم نظر آئی

اک مجلسِ ماتم تھی، کہ برہم نظر آئی

بیت الشرفِ خاص سے نکلے شہِ ابرار

روتے ہوئے ڈیوڑھی پہ گئے عترتِ اطہار

فراشوں کو عباس پکارے یہ بہ تکرار

پردے کی قناتوں سے خبردار! خبردار

باہر حرم آتے ہیں، رسول دوسرا کے

شقہ کوئی جھک جائے نہ جھونکے سے ہوا کے

لڑکا بھی جو کوٹھے پہ چڑھا ہو وہ اتر جائے

آتا ہو ادھر جو وہ، اسی جا پہ ٹھہر جائے

ناقے پہ بھی کوئی نہ برابر سے گذر جائے

دیتے رہو آواز جہاں تک کہ نظر جائے

مریمؔ سے سوا حق نے شرف ان کو دیئے ہیں

افلاک پہ آنکھوں کو ملک بند کیے ہیں

عباسؔ علی سے علیؔ اکبر نے کہا تب

ہیں قافلہ سالارِ حرم حضرت زینبؔ

پہلے وہ ہوں اسوار تو محمل میں چڑھیں سب

حضرت نے کہا ہاں یہی میرا بھی ہے مطلب

گھر میں مرنے زہراؔ کی جگہ بنتِ علیؔ ہے

میں جانتا ہوں ماں مرے ہمراہ چلی ہے

پہنچی جو ہیں ناقے کے قریں دخترِ حیدرؔ

خود ہاتھ پکڑنے کو بڑھے سبطِ پیمبر

فضہ تو سنبھالے ہوئے تھی گوشۂ چادر

تھے پردۂ محمل کو اٹھائے علیؔ اکبر

فرزند کمر بستہ چپ و راس کھڑے تھے

نعلین اٹھا لینے کو عباسؔ کھڑے تھے

اک دن تو مہیا تھا، یہ سامانِ سواری

اک روز تھا وہ، گرد تھے نیزے لئے ناری

محمل تھا، نہ ہودج، نہ کجاوہ، نہ عماری

بے پردہ تھی وہ حیدر کرار کی پیاری

ننھے کئی بچوں کے گلے ساتھ بندھے تھے

تھے بال کھلے چہروں پہ اور ہاتھ بندھے تھے

زینت دہِ محمل جو ہوئی دخترِزہراؓ

ناقوں پہ چڑھے سب حرمِ سیدِ والا

آنے لگے رہوار، کھلا گرد کا پردا

عباسؔ سے بولے یہ شہِ یثرب و بطحا

صدمہ ہے بچھڑنے کا مرے روحِ نبی پر

رخصت کو چلو قبرِ رسولِ عربی پر

ہے قبر پہ نانا کی مقدم مجھے جانا

کیا جانیے پھر ہو کہ نہ ہو شہر میں آنا

اماں کی ہے تربت پہ ابھی اشک بہانا

اس مرقدِ انور کو ہے آنکھوں سے لگانا

آخر تو لیے جاتی ہے تقدیرِ وطن سے

چلتے ہوئے ملنا ہے ابھی قبرِ حسنؔ سے

پیدل شہِ دیں روضۂ احمد کو سدھارے

تربت سے صدا آئی کہ آ آ مرے پیارے

تعویذ سے شبیرؔ لپٹ کر یہ پکارے

ملتا نہیں آرام نواسے کو تمہارے

خط کیا ہیں اجل کا یہ پیام آیا ہے نانا

آج آخری رخصت کو غلام آیا ہے نانا

خادم کو کہیں امن کی اب جا نہیں ملتی

راحت کوئی ساعت مرے مولا نہیں ملتی

دکھ کون سا اور کون سی ایذا نہیں ملتی

ہیں آپ جہاں، راہ وہ اصلا نہیں ملتی

پابندِ مصیبت ہوں گرفتارِ بلا ہوں

خود پاؤں سے اپنے طرفِ قبر چلا ہوں

میں اک تنِ تنہا ہوں ستم گار ہزاروں

اک جان ہے اور درپئے آزار ہزاروں

اک پھول سے رکھتے ہیں، خلشِ خار ہزاروں

اک سر ہے فقط اور خریدار ہزاروں

واں جمع کئی شہر کے خوں ریز ہوئے ہیں

خنجر مری گردن کے لئے تیز ہوئے ہیں

فرمایے اب جائے کدھر آپ کا شبیرؔ

یاں قید کی ہے فکر ادھر قتل کی تدبیر

تیغیں ہیں کہیں میرے لئے اور کہیں زنجیر

خوں ریزی کو کعبہ تلک آ پہنچے ہیں بے پیر

بچ جاؤں، جو پاس اپنے بلا لیجئے نانا

تربت میں نواسے کو چھپا لیجئے نانا

یہ کہہ کے مَلا قبر سے شہہ نے جو رخِ پاک

ہلنے لگا صدمے سے مزارِ شہِ لولاک

جنبش جو ہوئی قبر کو تھرا گئے افلاک

کانپی جو زمیں صحنِ مقدس میں اڑی خاک

اس شور میں آئی یہ صدا روضۂ جد سے

تم آگے چلو ہم بھی نکلتے ہیں لحد سے

باتوں نے تری دل کو مرے کر دیا مجروح

تو شہر سے جاتا ہے تڑپتی ہے مری روح

بے تیغ کیا، خنجرِ غم نے ترے مذبوح

ہے کشتیِٔ امت پہ تباہی، کہ چلا نوح

افلاکِ امامت کا تجھے بدر نہ سمجھے

بے قدر ہیں ظالم کہ تری قدر نہ سمجھے

مارا گیا جس روز سے شبرؔ مرا پیارا

اس روز سے ٹکڑے ہے کلیجہ مرا سارا

اب قتل میں ہوتا ہوں ترے ساتھ دوبارا

امت نے کیا پاسِ ادب خوب ہمارا

زہراؔ کی جو بستی کو اجاڑیں تو عجب کیا

اعدا مجھے تربت سے اکھاڑیں تو عجب کیا

اس ذکر پہ رویا کیے شہہ سر کو جھکائے

واں سے جو اٹھے فاطمہؔ کی قبر پہ آئے

پائینِ لحد گر کے بہت اشک بہائے

آواز یہ آئی کہ میں صدقے مرے جائے

ہے شور ترے کوچ کا جس دن سے وطن میں

پیارے میں اسی دن سے تڑپتی ہوں کفن میں

تربت میں جو کی میں نے بہت گریہ و زاری

گھبرا کے علیؔ آئے نجف سے کئی باری

کہتے تھے کہ اے احمدِ مختار کی پیاری

تم پاس ہو تربت ہے بہت دور ہماری

گھر لٹتا ہے کیوں کر ہمیں چین آئے گا زہراؓ

کیا ہم سے نہ رخصت کو حسینؔ آئے گا زہراؓ

میں نے جو کہا قبر سے کیوں نکلے ہو باہر

نہ سر پہ عمامہ ہے نہ ہے دوش پہ چادر

فرمایا کہ ماتم میں ہوں اے بنتِ پیمبر

مرنے کو پسر جاتا ہے برباد ہوا گھر

ترسیں گے وہ پانی کو جو نازوں کے پلے ہیں

تلواریں ہیں اب اور مرے بچوں کے گلے ہیں

پھرتا ہے مری آنکھوں میں شبیرؔ کا مقتل

وہ نہرِ فرات اور کئی کوس کا جنگل

وہ بجلیاں تلواروں کی اور شام کا بادل

دریا سے وہ پیاسوں کے ہٹا دینے کی ہلچل

شبیرؔ کے سر پر سے یہ آفت نہ ٹلے گی

دسویں کو محرم کی چھری مجھ پہ چلے گی

سن کر یہ بیاں باپ کا مادر کی زبانی

رو رو کے پکارا اسد اللہ کا جانی

ہاں والدہ سچ ہے نہ ملے گا مجھے پانی

پیاسے ہیں مرے خون کے یہ ظلم کے بانی

بچپن میں کیا تھا، مرا ماتم شہ دیں نے

نانا کو خبر دی تھی مری روح امیں نے

پہلو میں جو تھی فاطمہؔ کے تربتِ شبرؔ

اس قبر سے لپٹے بہ محبت شہِ صفدر

چلائے کہ شبیرؔ کی رخصت ہے برادر

حضرت کو تو پہلو ہوا اماں کا میسر

قبریں بھی جدا ہیں تہِ افلاک ہماری

دیکھیں ہمیں لے جائے کہاں خاک ہماری

یہ کہہ کے چلے قبر حسن سے شہِ مظلوم

رہوار جو مانگا تو سواری کی ہوئی دھوم

یارانِ وطن گرد تھے افسردۂ مغموم

چلاتے تھے خادم کہ چلا خلق کا مخدوم

خالی ہوا گھر آج رسول عربی کا

تابوت اسی دھوم سے نکلا تھا بنی کا

جب اٹھ گئی تھیں خلق سے مخدومۂ عالم

سر پیٹتے تھے لوگ اسی طرح سے باہم

برپا تھا جنازے پہ علیؔ کے یونہیں ماتم

تھا رحلتِ شبرؔ میں محبوں کا یہی غم

بس آج سے بے وارث و والی ہے مدینہ

اب پنجتن پاک سے خالی ہے مدینہ

چلاتی تھیں رانڈیں کہ چلی شہہ کی سواری

لے گا خبر اب کون مصیبت میں ہماری

آنکھوں سے یتیموں کی دُرِ اشک تھا جاری

مضطر تھے اپاہج ضعفا کرتے تھے زاری

کہتے تھے گدا، ہم کو غنی کون کرے گا

محتاجوں کی فاقہ شکنی کون کرے گا

تھا، ناکے تلک شہر کے اک شورِ قیامت

سمجھاتے ہوئے سب کو چلے جاتے تھے حضرت

رو رو کے وہ کہتا تھا جسے کرتے تھے رخصت

پائیں گے کہاں ہم، یہ غنیمت ہے زیارت

آخر تو بچھڑ کر کفِ افسوس ملیں گے

دس بیس قدم اور بھی ہمراہ چلیں گے

قسمیں انہیں دے دے کے کہا شہ نے کہ جاؤ

تکلیف تمہیں ہوتی ہے اب ساتھ نہ آؤ

اللہ کو سونپا تمہیں آنسو نہ بہاؤ

پھرنے کے نہیں، ہم سے بس اب ہاتھ اٹھاؤ

اس بیکس و تنہا کی خبر پوچھتے رہنا

یارو مری صغراؔ کی خبر پوچھتے رہنا

روتے ہوئے وہ لوگ پھرے شاہ سدھارے

جو صاحبِ قسمت تھے وہ ہمراہ سدھارے

کس شوق سے مردانِ حق آگاہ سدھارے

عابد طرفِ خانۂ اللہ سدھارے

اترے نہ مسافر کسی مخلوق کے گھر میں

عاشق کو کشش لے گئی معشوق کے گھر میں

روشن ہوئی کعبہ کی زمیں نورِ خدا سے

مکہ نے شرف اور بھی پایا شرفا سے

جھک جھک کے ملے، سبطِ پیمبر غربا سے

آباد ہوا شہر، نمازوں کی صدا سے

خوش ہو کے ہوا خواہ یہ کہتے تھے علیؓ کے

سب باپ کی خو بو ہے نواسے میں نبی کے

کعبے مین بھی اک دن نہ ملا شاہ کو آرام

کوفے سے چلے آتے تھے نامے سحر و شام

اعدا نے گذرنے نہ دیے، حج کے بھی ایام

کھولا پسرِ فاطمہ نے باندھ کے احرام

عازم طرفِ راہِ الٰہی ہوئے حضرت

تھی ہشتم ذی الحجہ کہ راہی ہوئے حضرت

جاتے تھے دل افسردہ و غمگیں شہِ ابرار

ہر گام پہ ہوتے تھے عیاں موت کے آثار

قبریں نظر آتیں کسی صحرا میں جو دو چار

فرماتے تھے شہ فاعتبرو یا اولی الابصار

جز خاک نہ ہوئے گا نشان بھی بدنوں کا

انجام یہ ہے ہم سے غریب الوطنوں کا

احباب کہیں، گھر ہے کہیں، آپ کہیں ہیں

آگے تو زمیں پر تھے پر اب زیرِ زمیں ہیں

خالی ہیں مکاں آپ تہِ خاک مکیں ہیں

جو دور نہ رہتے تھے وہ اب پاس نہیں ہیں

حسرت یہ رہی ہوگی کہ پہنچے نہ وطن میں

کیا منہ کو لپیٹے ہوئے سوتے ہیں کفن میں

باتیں تھیں یہی یاس کی اور درد کی تقریر

منزل پہ بھی آرام سے سوتے تھے نہ شبیرؔ

شب کو کہیں اترے، تو سحر کو ہوئے رہگیر

جلدی تھی کہ، ہو جائے شہادت میں نہ تاخیر

مقتل کا یہ تھا شوق شہِ جن و بشر کو

جس طرح سے ڈھونڈھے کوئی معشوق کے گھر کو

ملتا تھا کوئی مرد مسافر جو سر راہ

یوں پوچھتے تھے اس سے بہ حسرت شہہ ذی جاہ

ایسا کوئی صحرا بھی ہے اے بندۂ اللہ

اک نہر سوا جس میں ہو چشمہ نہ کوئی چاہ

کیا ملتا ہے، اس دشت میں اور کیا نہیں ملتا

ہم ڈھونڈھتے پھرتے ہیں، وہ صحرا نہیں ملتا

وہ عرض یہ کرتا تھا کہ سبطِ شہِ لولاک

ہے سخت پُر اندوہ، وہ صحرا تہہ افلاک

ہنستا ہوا واں جائے تو ہو جاتا ہے غمناک

سنتا ہوں وہاں دن کو اڑاتا ہے کوئی خاک

واں راتوں کو آتی ہے صدا سینہ زنی کی

درویش کی ممکن ہے سکونت نہ غنی کی

چلاتی ہے عورت کوئی ہے ہے مرے فرزند

اس دشت میں ہو جائے گا تو خاک کا پیوند

تلواروں سے ٹکرے یہیں ہوں گے ترے دلبند

پانی یہیں ہو جائے گا بچوں پہ ترے بند

پیارے تو اسی خاک پہ گھوڑے سے گرے گا

ہے ہے یہیں خنجر تری گردن پہ پھرے گا

اک شیر ترائی میں یہ چلاتا ہے دن رات

کٹ جائیں گے یاں ہاتھ مرے لال کے ہیہات

کیا حال کہوں نہر کا، اے شاہِ خوش اوقات

پانی تو نہیں شور، پہ مشہور ہے یہ بات

طائر بھی دمِ تشنہ دہانی نہیں پیتے

وحشی کبھی واں آن کے پانی نہیں پیتے

اس جا نہ اترتا ہے نہ دم لیتا ہے رہ گیر

ہے شور کہ اس آب میں ہے آگ کی تاثیر

پیاسوں کے لئے اس کی ہر اک موج ہے شمشیر

اس طرح ہوا چلتی ہے جس طرح چلیں تیر

بجھتی نہیں واں پیاس کس تشنہ گلو کی

بو آتی ہے اس نہر کے پانی میں لہو کی

اس شخص سے یہ کہہ کے چلے قبلۂ عالم

اللہ نے چاہا تو بسائیں گے اسے ہم

عاشق پہ بلا بعد بلا آتی ہے ہر دم

غم اور بڑھا، وصل کا عرصہ جو رہا کم

آفت یہ نئی فوج شہنشاہ میں آئی

مسلم کی شہادت کی خبر راہ میں آئی

غربت میں نہ ماتم کی سنائے خبر اللہ

طاری ہوا حضرت پہ عجب صدمۂ جانکاہ

گوندھے ہوئے سر کھول کے پیٹے حرمِ شاہ

فرماتے تھے شہ سب کو ہے درپیش یہی راہ

ہو گا وہی اللہ کو جو مدِ نظر ہے

آج ان کا ہوا کوچ، کل اپنا بھی سفر ہے

وارث کے لئے زوجۂ مسلم کا تھا یہ حال

محمل سے گری پڑتی تھی بکھرائے ہوئے بال

روتے تھے بہن کے لئے عباس خوش اقبال

وہ کہتی تھی ساتھ آئے تھے چھوٹے مرے دو لال

پوچھو تو کدھر وہ مرے پیارے گئے دونوں

فرماتے تھے شبیرؔ کہ مارے گئے دونوں

محمل تھے سب اس بی بی کے ہودج کے برابر

تھا شور کہ بیوہ ہوئی شبیرؔ کی خواہر

گھبرا گئی تھی مسلمِؔ مظلوم کی دختر

ہر بار یہی پوچھتی تھی ماں سے لپٹ کر

کیوں پیٹتی ہو کون جدا ہو گیا اماں

غربت میں مرے باپ پہ کیا ہو گیا اماں

اس دن سے تو اک ابر ستم فوج پہ چھایا

کھانا کئی دن قافلہ والوں نے نہ کھایا

رستے میں ابھی تھا اسداللہ کا جایا

جو چاند محرم کا فلک پر نظر آیا

سب نے مہِ نو لشکرِ شبیرؔ میں دیکھا

منہ شاہ نے آئینۂ شمشیر میں دیکھا

خویش و رفقا چاند کی تسلیم کو آئے

مجرے کو جھکے اور سخن لب پہ یہ لائے

یہ چاند مبارک ہو یداللہ کے جائے

کفار پہ تو فتح، اسی چاند میں پائے

رتبہ مہہ و خورشید سے بالا رہے تیرا

تا حشر زمانے میں اجالا رہے تیرا

حضرت نے دعا پڑھ کے یہ کی حق سے مناجات

کر رحم گنہگاروں پہ اے قاضیِٔ حاجات

سر دینے کا مشتاق ہوں عالِم ہے تری ذات

خنجر مری آنکھوں میں پھرا کرتا ہے دن رات

باقی ہیں جو راتیں وہ عبادت میں بسر ہوں

یہ زیست کے دس دن تری طاعت میں بسر ہوں

پہنچا دے مجھے جلدی بس اے خالقِ افلاک

اُس خاک پہ جس خاک سے ملتی ہے مری خاک

طالب ہے ترے قرب کا سبطِ شہہ لولاک

نہ ملک کی خواہش ہے نہ درکار ہے املاک

بیتاب ہے دل صبر کا یارا نہیں مجھ کو

اب فصل بجز وصل گوارا نہیں مجھو کو

اتنے میں یہ فضہؔ علیؔ اکبر کو پکاری

لو دیکھ چکی چاند ید اللہ کی پیاری

عادت ہے کہ وہ دیکھتی ہیں شکل تمہاری

آنکھوں کو کیے بند یہ فرماتی ہیں واری

آئے تو رخِ اکبرِ ذی قدر کو دیکھوں

شکل مہِ نو دیکھ چکی بدر کو دیکھوں

شہ داخلِ خیمہ ہوئے فرزند کے ہمراہ

منہ دیکھ چکی چاند ید اللہ کی پیاری

یہ چاند ہے کس طرح کا اے فاطمہؓ کے ماہ

فرمانے لگے رو کے بہن سے شہہِ ذی جاہ

سر تن سے مرا اس مہِ پُر غم میں کٹے گا

زینبؔ یہ مہینہ تمہیں ماتم میں کٹے گا

یہ آل نبی کی ہے مصیبت کا مہینا

یہ ظلم کا عشرہ ہے یہ آفت کا مہینا

پہنچا ہے غریبوں کی شہادت کا مہینا

آخر ہے بس اب عمر کی مدت کا مہینا

یہ بار امامت مری گردن سے اتر جائے

ہو خاتمہ بالخیر جو سر تن سے اتر جائے

گردوں پہ مہِ نو جو نمایاں ہے یہ ہمشیر

چڑھتی ہے مرے سر کے لئے چرخ پہ شمشیر

اس چاند میں کٹ جائے گا سب لشکرِ شبیر

نیزہ کوئی کھائے گا کلیجہ پہ، کوئی تیر

برچھی کسی جانباز کے پہلو میں لگے گی

شمشیر، کسی شیر کے پہلو میں لگے گی

خیمے کو جلا دیں گے، لٹے گا زر و زیور

اس ماہ میں ہوں گے نہ پدر اور نہ برادر

ماؤں سے پسر چھوٹیں گے بہنوں سے برادر

بیوہ کئی سیدانیاں ہوویں گی مقرر

گھڑکیں گے ستمگار جو رووے گی سکینہؔ

اس ماہ میں بے باپ کی ہووے گی سکینہؔ

دولہا کوئی ٹاپوں کے تلے ہوئے گا پامال

پیٹے گی کوئی تازہ دلہن کھولے ہوئے بال

تیروں سے کسی ماں کا جگر ہووئے گا غربال

نکلے گی کوئی کہتی ہوئی ہائے مرا لال

معصوموں کے سونے کی جگہ پائیں گے خالی

بچوں سے بھری گودیاں ہو جائیں گی خالی

اس عشرۂ اوّل میں نہ ہوئیں گے بہن ہم

تاریخِ سفر ہے دہم ماہِ محرم

عشرہ یہ وہ عشرہ ہے کہ اے زینبِؔ پُر غم

جس لال کی عاشق ہو وہ ہو جائے گا بے دم

دیکھو گی نہ پھر منہ علیؔ اکبر سے پسر کا

اب شام میں ہوئے گا تمہیں چاند صفر کا

رونے کے لئے حق نے بنائے ہیں یہ دس دن

ان روزوں خوشی ہو کہ کسی کو نہیں ممکن

لیویں گے مرا تعزیہ ہر شہر کے ساکن

اکبر کو جواں روئیں گے معصوموں کو کم سن

بھولیں ہمیں ایسے نہیں غم خوار ہمارے

ہوئیں گے سیہ پوش عزادار ہمارے

غش ہو گئی سن کر یہ بیاں زینبؔ پُر غم

خیمے میں اسی رات سے برپا ہوا ماتم

بیدار رہیں صبح تلک بیبیاں باہم

خیموں کو اکھڑوا کے چلے قبلۂ عالم

آخر وہی صحرا، وہی جنگل نظر آیا

تھی دوسری تاریخ کہ مقتل نظر آیا

اترے اسی میدانِ بلا خیز میں سرور

استادہ ہوئے، خیمۂ ناموسِ پیمبر

صحرا کی طرف دیکھ کے خوش ہو گئے اکبرؔ

دریا پہ ٹہلنے لگے عباسِؔ دلاور

شہہ بولے ہوا نہر کی بھائی تمہیں بھائی

ہاں شیر ہو دریا کی ترائی تمہیں بھائی

خامے کو بس اب روک انیسؔ جگر افگار

خالق سے دعا مانگ کہ اے ایزدِ غفار

زندہ رہیں دنیا میں شہہ دیں کے عزادار

غیر از غمِ شہ، ان کو نہ غم ہو کوئی زنہار

آنکھوں سے مزارِ شہِ دلگیر کو دیکھیں

اس سال میں بس روضۂ شبیرؔ کو دیکھیں

farzand payambar ka madine se safar hai

sadat ki basti ke ujarne ki khabar hai

dar pesh hai wo gham, ke jahan zer-o-zabar hai

gul chak-e-gareban hain saba khak ba sar hai

gul ru sifat-e-ghuncha kamar basta ghare hain

sab ek jagah surat-e-guldasta khare hain

arasta hain bahr-e-safar, sarw-e-qaba posh

ammame saron par hain abaen basar-e-dosh

yaran-e-watan hote hain apas mein ham aghosh

hairan koi taswir ki surat koi khamosh

munh milta hai ro kar koi surur ke qadam par

gar parta hai koi ali akbar ke qadam par

abbas ka munh dekh ke kahta hai koi ah

ab ankhon se chhup jaegi taswir yadallah

kahte hain gale mil ke ye qasim ke hua khwah

wallah dilon par hai ajab sadma-e-jankah

ham logon se shirin sukhani kaun karega

ye uns, ye khulq-e-husni kaun karega

rote hain wo, jo aun-o-mohammad ke hain, ham sun

kahte hain ke maktab mein na ji bahlega tum ban

is dagh se chain ae hamen, ye nahin mumkin

garmi ka mahina hai safar ke ye nahin din

tum hazrat-e-shabbir ke saye mein pale ho

kyun dhup ki taklif uthane ko chale ho

ham juliyon se kahte the wo donon baradar

han bhaiyo tum bhi hamen yad aoge aksar

pala hai hamen shah ne, ham jaen na kyun kar

mamun rahen jangal mein to apna hai wahi ghar

wo din ho ke ham haq-e-ghulami se ada hun

tum bhi ye dua mango ke ham shah pe fida hun

rukhsat ke liye log chale ate hain baham

har qalb-e-hazin hai, to har ik chashm hai pur nam

aisa nahin ghar koi ke jis mein nahin matam

ghul hai ke chala dilbar-e-makhdoma-e-alam

khuddam khare pitte hain qabr nabi ke

rauza pe udasi hai rasul-e-arabi ke

hai jab se khula hal-e-safar band hai bazar

ye jins-e-gham arzan hai ke rote hain dukan dar

khak arti hai wirani-e-yasrab ke hain asar

har kuche mein hai shor, ke hai hai shah-e-abrar

ab yan koi wali na raha ah hamara

jata hai madine se shahanshah hamara

tadbir safar mein hain idhar sibt-e-payambar

ghar mein kabhi ate hain kabhi jate hain bahar

asbab nikalwate hain abbas-e-dilawar

taqsim sawari ke taraddud mein hain akbar

shah ko jinhen le jana hai, wo pate hain ghore

khali hua astabal, chale ate hain ghore

hazir dar-e-daulat pe hain, sab yawar-o-ansar

koi to kamar bandhta hai aur koi hathiyar

hodaj bhi kise jate hain, mahmil bhi hain tayyar

chillate hain darban, koi ae na khabardar

har mahmil-o-hodaj pe ghata top pare hain

parde ki qanaten liye firash khare hain

urat-e-mohalla chali ati hain basad gham

kahti hain ye din rehlat-e-zahra se nahin kam

purse ki tarah rone ka ghul hota hai har dam

farsh uthta hai kya bichhti hai goya saf-e-matam

ghul hota hai har samt, juda hoti hai zinib

har ik ke gale milti hai aur roti hai zinib

le le ke balaen yahi sab karti hain taqrir

is garmi ke mausam mein kahan jate hain shabbir

samjhati nahin bhai ko ai shah ki hamsher

muslim ka khat a le to karen kuch ki tadbir

lalla abhi qabr payambar ko na chhoren

ghar fatima zahra ka hai is ghar ko na chhoren

wo ghar hai malak rahte the jis ghar ke nigahban

kyun apne buzurgon ka makan karte hain wiran

kofe ki bhi khilqat to nahin sahab-e-iman

bi bi ye madine ki tabahi ka hai saman

ek ek shaqi dushman-e-aulad-e-ali hai

shamshir-e-sitam wan sar-e-haidar pe chali hai

ujrega madina jo ye ghar hue ga khali

barbadi-e-yasrab ki bana charkh ne dali

kya janen phir aen ke na aen shah-e-ali

hazrat ke siwa kaun hai is shahr ka wali

zahra hain na haidar na payambar na husn hain

ab un ki jagah ap hain ya shah-e-zaman hain

garmi ka ye din aur paharon ka safar ah

un chhote se bachchon ka nigahban hai allah

raste ki mashaqqat se kahan hain abhi agah

un ko to na le jaen safar mein shah-e-zi jah

qatra bhi dam-e-tishna dahani nahin milta

koson talak is rah mein pani nahin milta

munh dekh ke asghar ka chala ata hai rona

aram se madar ki kahan god mein sona

jhula ye kahan aur kahan narm bichhauna

likha tha isi sun mein musafir unhen hona

kya hoga jo maidan mein hua garm chalegi

ye phul se kamhlaenge, man hath milegi

in bebiyon se kahti thi ye shah ki hamsher

bahnon hamen yasrab se liye jati hai taqdir

is shahr mein rahna nahin milta kisi tadbir

ye khat pe khat ae hain ke majbur hain shabbir

mujh ko bhi hai ranj aisa ke kuchh kah nahin sakti

bhai se juda ho ke magar rah nahin sakti

aman ki lahad chhor ke main yan se na jati

faqe bhi agar hote to gham us ka na khati

bhai ki taraf dekh ke shaqq hoti hai chhati

be jae, mujhe bat koi ban nahin ati

zahir mein to mabain lahad soti hain aman

main khwab mein jab dekhti hun roti hain aman

hai ruh pe aman ki qalaq karti hain zari

sar pitte main ne unhen dekha kai bari

rudad-e-bayan kar gai hain mujh se wo sari

farmati thin bhai se khabar dar mein wari

gham khwar hai to aur khuda hafiz-e-jan hai

na bap hai sar par mire bachche ke na man hai

yad ati hai har dam mujhe aman ki musibat

kuchh jan ki thi fikr na un ko dam-e-rehlat

ahista ye farmati thin basad gham-o-hasrat

shabbir sidhare jo su-e-wadi-e-ghurbat

us din miri turbat se bhi munh moriyo zinib

is bhai ko tanha na kabhi chhoriyo zinib

aman ki wasyyat ko baja laun na kyun kar

ghar bhai se tha bhai na hoga to kahan ghar

do bahnen hain man jaiyan aur ek baradar

rassi se bandhe hath ke balwe mein khule sar

jo howe so ho bhai ke hamrah hai zinib

is kuch ke anjam se agah hai zinib

ye kahti thi zinib ke pukare shah-e-adil

tayyar hain darozae pe sab hodaj-o-mahmil

tai sham talak hogi kahin aj ki manzil

rukhsat karo logon ko bas ab rone se hasil

chalti hai hawa sard abhi waqt-e-sahar hai

bachche kai hamrah hain garmi ka safar hai

rukhsat karo un ko jo ke hain milne ko ae

kah do koi gahwara-e-asghar ko bhi lae

nadan sakina kahin ansu na bahae

jane ki khabar meri na saghra kahin pae

dar hai kahin ghabra ke na dam us ka nikal jae

baten karo aisi ke wo bimar bahal jae

rukhsat ko abhi qabr payambar pe hai jana

kya janiye phir ho ke na hue mira ana

aman ki lahad par hai abhi ashk bahana

is marqad-e-anwar ko hai ankhon se lagana

akhir to liye jati hai, taqdir-e-watan se

chalte hue milna hai abhi qabr-e-husn se

sun kar ye sukhan bano-e-nashad pukari

main lutti hun kaisa safar aur kaisi sawari

ghash ho gai hai fatima saghra miri pyari

ye kis ke liye karte hain sab girya-o-zari

ab kis pe main is sahab-e-azar ko chhorun

is hal mein kis tarah se bimar ko chhorun

man hun main, kaleja nahin, sina mein sambhalta

sahab mire dil ko hai koi hathon se milta

main to use le chalti, ye kuchh bas nahin chalta

rah jatin jo bahnen bhi to dil us ka bahalta

darwaze pe tayyar sawari pe khari hai

par ab to mujhe jan ki saghra ki pari hai

chillati thi kabra ke bahan ankh to kholo

kahti thi sakina ke zara munh se to bolo

ham jate hain tum uth ke baghal gir to ho lo

chhati se lago bap ki dil khol ke ro lo

tum jis ki ho shaida wo baradar na milega

ghar bhar mein jo dhundogi to akbar na milega

hushyar ho kya subh se behosh hai khwahar

asghar ko karo pyar kaleje se laga kar

chhati se lago uth ke khari roti hain madar

ham rote hain dekho to zara ankh utha kar

afsos, isi taur se ghaflat mein rahogi

kya akhiri baba ki ziyarat na karogi

sun kar ye sukhan shah ke ansu nikal ae

bimar ke nazdik gae sar ko jhukae

munh dekh ke bano ka sukhan lab pe ye lae

kya zof-o-naqahat hai, khuda us ko bachae

jis sahab-e-azar ka ye hal ho ghar mein

danista mein kyun kar use le jaun safar mein

kah kar ye sukhan baith gae sayyad khush khu

aur sura-e-alhamd parha tham ke bazu

bimar ne pai gul-e-zahra ki jo khush bu

ankhon ko to khola pe tapakne lage ansu

man se kaha mujh mein jo hawas ae hain aman

kya mere masiha mire pas ae hain aman

man ne kaha han han wahi ae hain miri jan

jo kahna ho kah lo ke yahan aur hai saman

dekho to idhar rote hain bi bi shah-e-zi shan

saghra ne kaha un ki mohabbat ke main qurban

wo kaun sa saman hai jo yun rote hain baba

khul kar kaho mujh se ke juda hote hain baba

ye ghar ka sab asbab gaya kis liye bahar

na farsh, na hai masnad-e-farzand-e-payambar

dalan se kya hogaya gahorah-e-asghar

ujra hua logo nazar ata hai mujhe ghar

kuchh munh se to bolo mira dam ghatta hai aman

kya sibt-e-payambar se watan chhutta hai aman

shabbir ka munh takne lagi bano-e-maghmum

saghra ke liye rone lagen zinib-o-kulsum

beti se ye farmane lagi sayyad-e-mazlum

parda raha ab kya tumhen khud hogaya maalum

tum chhutti ho is waste sab rote hain saghra

ham aj se awara watan hote hain saghra

ab shahr mein ik dam hai thaharna mujhe dushwar

main pa ba rikab, aur ho tum sahab-e-azar

phir ata hai wo ghar mein, safar mein jo ho bimar

taklif tumhen dun ye munasib nahin zinhar

ghurbat mein bashar ke liye sau tarah ka dar hai

mera to safar ranj-o-musibat ka safar hai

lu chalti hai khak urti hai garmi ke hain ayyam

jangal men na rahat, na kahin rah mein aram

basti mein kahin subh, to jangal mein kahin sham

dariya kahin hail, kahin pani ka nahin nam

sehhat mein gawara hai jo taklif guzar jae

is tarah ka bimar na marta ho to marjae

saghra ne kaha khane se khud hai mujhe inkar

pani jo kahin rah mein mangun to gunahgar

kuchh bhuk ka shikwa nahin karne ki ye bimar

tabrid faqat ap ka hai sharbat-e-didar

garmi mein bhi rahat se guzar jaegi baba

aega pasina tap utar jaegi baba

kya tab agar munh se kahun dard hai sar mein

uf tak na karun, bharke agar ag jigar mein

bhule se bhi shab ko na karahon gi safar mein

qurban gai, chhor na jao mujhe ghar mein

ho jana khafa rah mein gar ru-e-gi saghra

yan nind kab ati hai jo wan su-e-gi saghra

wo bat na hogi, ke jo be chain hun madar

har subh mein pi lungi dawa ap bana kar

din bhar, miri godi mein rahenge ali asghar

laundi hun sakina ki, na samjho mujhe dukhtar

main ye nahin kahti ke ammaari mein bitha do

baba mujhe fizza ki sawari mein bitha do

shah bole ke waqif hai mire hal se allah

main kah nahin sakta mujhe darpesh hai jo rah

khul jaega ye raz bhi, go tum nahin agah

aisa bhi koi hai jise beti ki na ho chah

nachar ye furqat ka alam sahta hun saghra

hai maslahat-e-haq yahi jo kahta hun saghra

ai nur-e-basar ankhon pe le kar tujhe chalna

tu mujh se bahalti, mira dil tujh se bahalta

tap hai tujhe, aur gham se jigar hai mira jalta

ye zof ke dam tak nahin sine mein sambhalta

juz hijr ilaj aur koi ho nahin sakta

danista tumhen hath se main kho nahin sakta

munh takne lagi man ka wo bimar basad gham

chitwan se ayan tha ke chalen ap maue ham

man kahti thi mukhtar hain, bi bi shah-e-alam

mere to kaleje pe chhuri chalti hai is dam

wo dard hai jis dard se chara nahin saghra

taqdir se kuchh zor hamara nahin saghra

saghra ne kaha koi kisi ka nahin zinhar

sab ki yahi marzi hai ke mar jae ye bimar

allah na wo ankh kisi ki hai, na wo pyar

ik ham hain ke hain, sab pe fida sab ke hain gham khwar

bezar hain sab ek bhi shafqat nahin karta

sach hai koi murde se mohabbat nahin karta

hamsher ke ashiq hain salamat rahen akbar

itna na kaha mar gai ya jiti hai khwahar

main ghar mein tarapti hun wo hain subh se bahar

wo kya karen bargashta hai apna hi muqaddar

puchha na kisi ne ke wo bimar kidhar hai

na bhaiyon ko dhyan na bahnon ko khabar hai

kya un ko pari thi jo wo gham khane ko ate

main kaun jo surat mujhe dikhlane ko ate

hoti jo gharaz chhati se laptane ko ate

zulfen jo ulajhti to, sulajhwane ko ate

kal tak to mire hal-e-pareshan pe nazar thi

taqdir ke is pech ki mujh ko na khabar thi

manus sakina se hain abbas-e-dilawar

main kaun hun jo meri khabar puchhte a kar

sarsabz rahe khalq mein nau bada-e-shabar

shadi mein balaen mujhe ye bhi nahin bawar

be dolaha bane munh ko chhupate hain abhi se

main jiti hun aur ankh churate hain abhi se

kis se kahun is dard ko main bekas-o-ranjur

bahnen bhi alag mujh se hain aur bhai bhi hain dur

aman ka sukhan ye hai ke beti mein hun majbur

hamrahi-e-bimar kisi ko nahin manzur

duniya se safar, ranj-o-musibat mein likha tha

tanhai ka marna miri qismat mein likha tha

sab bebayan rone lagen sun sun ke ye taqrir

chhati se laga kar use kahne lage shabbir

lo sabr karo, kuch mein ab hoti hai takhir

munh dekh ke chup rah gai wo bekas-o-dilgir

nazdik tha dil chir ke pahlu nikal ae

achchha to kaha munh se pe ansu nikal ae

bano ko ishara kya hazrat ne ke jao

akbar ko bulao, ali asghar ko bhi lao

ae ali akbar to kaha shah ne ao

ruthi hai bahan tum se gale us ko lagao

chalte hue ji bhar ke zara pyar to kar lo

lene unhen kab aoge iqrar to kar lo

pas an ke akbar ne ye ki pyar ki taqrir

kya mujh se khafa hogain saghra miri taqsir

chillane lagi, chhati pe munh rakh ke, wo dilgir

mahbub baradar tire qurban ye hamsher

sadqe tire sar par se utare mujhe koi

bal khai hui zulfon pe ware mujhe koi

rukhsaron pe sabze ke nikalne ke main sadqe

talwar liye shan se chalne ke main sadqe

afsos se in hathon ke milne ke main sadqe

kyun rote ho ashk ankhon se dhalne ke main sadqe

jald an ke bhaina ki khabar lijiyo bhai

be mere kahin biyah na kar lijiyo bhai

likhna mujhe nisbat ka agar ho kahin saman

haqdar hun main neg ki mera bhi rahe dhyan

aur mar gai pichhe to rahe dil mein sab arman

le ana dolhan ko miri turbat pe main qurban

khushnud miri ruh ko kar dijiyo bhai

haq neg ka tum qabr pe dhar dijiyo bhai

pyare mire bhayya mire mah ru, ali akbar

chhup jaenge ankhon se ye gesu, ali akbar

yad aegi ye jism ki khushbu, ali akbar

dhundhengi ye ankhen tumhen, har su ali akbar

dil sine mein kyun kar tah-o-bala na rahega

jab chand chhupega to ujala na rahega

kya gazre gi jab ghar se chale jaoge bhai

kaise mujhe har bat mein yad aoge bhai

tashrif-e-khuda janiye kab laoge bhai

ki der to jita na hamen paoge bhai

kya dam ka bharosa ke charagh-e-sahari hain

tum aj musafir ho to ham kal safari hain

ha sach hai ke bimar ka behtar nahin jana

sehhat se jo hain un mein kahan mera thikana

bhayya jo ab ana to miri qabr pe ana

ham gor ki manzil ki taraf honge rawana

kya lutf kisi ko nahin gar chah hamari

wo rah tumhari hai to ye rah hamari

marna to muqaddim hai, gham us ka nahin zinhar

dhurka hai ke jab honge ayan maut ke asar

qibla ki taraf, kaun karega rukh-e-bimar

asin bhi parhne ko na hoga koi gham khwar

sans ukhregi jis waqt to fariyad karungi

main hichkiyan le le ke tumhen yad karungi

man boli ye kya kahti hai saghra tire qurban

ghabra ke na ab tan se nikal jae miri jan

bekas miri bachi, tira allah nigahban

sehhat ho tujhe meri dua hai yahi har an

kya bhai juda bahnon se hote nahin beta

kumbe ke liye jan ko khote nahin beta

main sadqe gai bas na karo girya-o-zari

asghar mira rota hai sada sun ke tumhari

wo kanpte hathon ko utha kar ye pukari

a a mire nanhe se musafir tire wari

chhutti hai ye bimar bahan jan gae tum

asghar miri awaz ko pahchan gae tum

tum jate ho aur sath bahan ja nahin sakti

tap hai tumhen chhati se main lipta nahin sakti

jo dil mein hai lab par wo sukhan la nahin sakti

rakh lun tumhen aman ko bhi samjha nahin sakti

bekas hun mira koi madadgar nahin hai

tum ho so tumhen taqat-e-guftar nahin hai

maasum ne jis dam ye suni dard ki guftar

saghra ki taraf hathon ko latka diya ik bar

le le ke balaen ye lagi kahne wo bimar

jhuk jhuk ke dikhate ho mujhe akhiri didar

duniya se koi din mein guzar jaegi saghra

tum bhi ye samajhte ho ke mar jaegi saghra

abbas ne itne mein ye dewrhi se pukara

chalne ko hai ab qafila tayyar hamara

lipta ke gale fatima saghra ko dobara

uthe shah-e-din, ghar tah-o-bala hua sara

jis chashm ko dekha so wo pur nam nazar ai

ik majlis-e-matam thi, ke barham nazar ai

bit alshsharaf-e-khas se nikle shah-e-abrar

rote hue dewrhi pe gae itrat-e-athar

firashon ko abbas pukare ye ba takrar

parde ki qanaton se khabardar! khabardar

bahar haram ate hain, rasul dusra ke

shaqa koi jhuk jae na jhonke se hawa ke

larka bhi jo kothe pe charha ho wo utar jae

ata ho idhar jo wo, isi ja pe thahar jae

naqe pe bhi koi na barabar se guzar jae

dete raho awaz jahan tak ke nazar jae

maryam se siwa haq ne sharaf un ko diye hain

aflak pe ankhon ko malak band kiye hain

abbas ali se ali akbar ne kaha tab

hain qafila salar-e-haram hazrat zinib

pahle wo hun aswar to mahmil mein charhen sab

hazrat ne kaha han yahi mera bhi hai matlab

ghar mein marne zahra ki jagah bint-e-ali hai

main janta hun man mire hamrah chali hai

pahunchi jo hain naqe ke qarin dukhtar-e-haidar

khud hath pakarne ko barhe sibt-e-payambar

fizza to sambhale hue thi gosha-e-chadar

the parda-e-mahmil ko uthae ali akbar

farzand kamar basta chup-o-ras khare the

naalain utha lene ko abbas khare the

ik din to mahiya tha, ye saman-e-sawari

ik roz tha wo, gard the neze liye nari

mahmil tha, na hodaj, na kajawa, na ammaari

be parda thi wo haidar-e-karrar ki pyari

nanhe kai bachchon ke gale sath bandhe the

the bal khule chehron pe aur hath bandhe the

zinat da-e-mahmil jo hui dukhtarzahra

naqon pe charhe sab haram-e-sayyad-e-wala

ane lage rahwar, khula gard ka parda

abbas se bole ye shah-e-yasrab-o-batha

sadma hai bichharne ka mire ruh-e-nabi par

rukhsat ko chalo qabr-e-rasul-e-arabi par

hai qabr pe nana ki muqaddim mujhe jana

kya janiye phir ho ke na ho shahr mein ana

aman ki hai turbat pe abhi ashk bahana

is marqad-e-anwar ko hai ankhon se lagana

akhir to liye jati hai taqdir-e-watan se

chalte hue milna hai abhi qabr-e-husn se

paidal shah-e-din rauza-e-ahmad ko sidhare

turbat se sada ai ke a a mire pyare

taawiz se shabbir lipat kar ye pukare

milta nahin aram nawase ko tumhare

khat kya hain ajal ka ye payam aya hai nana

aj akhiri rukhsat ko ghulam aya hai nana

khadim ko kahin amn ki ab ja nahin milti

rahat koi saat mire maula nahin milti

dukh kaun sa aur kaun si iza nahin milti

hain ap jahan, rah wo aslan nahin milti

paband-e-musibat hun giraftar-e-bala hun

khud paon se apne taraf-e-qabr chala hun

main ik tan-e-tanha hun sitam gar hazaron

ik jan hai aur darpae azar hazaron

ik phul se rakhte hain, khalish-e-khar hazaron

ik sar hai faqat aur kharidar hazaron

wan jama kai shahr ke khun rez hue hain

khanjar miri gardan ke liye tez hue hain

farmaye ab jae kidhar ap ka shabbir

yan qaid ki hai fikr idhar qatl ki tadbir

teghen hain kahin mere liye aur kahin zanjir

khun rezi ko kaaba talak a pahunche hain be pir

bach jaun, jo pas apne bala lijiye nana

turbat mein nawase ko chhupa lijiye nana

ye kah ke mala qabr se shah ne jo rukh-e-pak

hilne laga sadme se mazar-e-shah-e-laulak

jumbish jo hui qabr ko tharra gae aflak

kanpi jo zamin sehn-e-muqaddas mein uri khak

is shor mein ai ye sada rauza-e-jid se

tum age chalo ham bhi nikalte hain lahad se

baton ne tiri dil ko mire kar diya majruh

tu shahr se jata hai tarapti hai miri ruh

be tegh kiya, khanjar-e-gham ne tire mazboh

hai kashti-e-ummat pe tabahi, ke chala nuh

aflak-e-imamat ka tujhe badr na samjhe

be qadr hain zalim ke tiri qadr na samjhe

mara gaya jis roz se shabar mira pyara

us roz se tukre hai kaleja mira sara

ab qatl mein hota hun tire sath dobara

ummat ne kiya pas-e-adab khub hamara

zahra ki jo basti ko ujaren to ajab kya

aada mujhe turbat se ukharen to ajab kya

is zikr pe roya kiye shah sar ko jhukae

wan se jo uthe fatima ki qabr pe ae

pain-e-lahad gir ke bahut ashk bahae

awaz ye ai ke main sadqe mire jae

hai shor tire kuch ka jis din se watan mein

pyare mein usi din se tarapti hun kafan mein

turbat mein jo ki main ne bahut girya-o-zari

ghabra ke ali ae najaf se kai bari

kahte the ke ai ahmad-e-mukhtar ki pyari

tum pas ho turbat hai bahut dur hamari

ghar lutta hai kyun kar hamen chain aega zahra

kya ham se na rukhsat ko hasin aega zahra

main ne jo kaha qabr se kyun nikle ho bahar

na sar pe ammama hai na hai dosh pe chadar

farmaya ke matam mein hun ai bint-e-payambar

marne ko pisar jata hai barbad hua ghar

tarsenge wo pani ko jo nazon ke pale hain

talwaren hain ab aur mire bachchon ke gale hain

phirta hai miri ankhon mein shabbir ka maqtal

wo nahr-e-furat aur kai kos ka jangal

wo bijliyan talwaron ki aur sham ka badal

dariya se wo pyason ke hata dene ki halchal

shabbir ke sar par se ye afat na talegi

daswen ko mahram ki chhuri mujh pe chalegi

sun kar ye bayan bap ka madar ki zabani

ro ro ke pukara asad allah ka jani

han walida sach hai na milega mujhe pani

pyase hain mire khun ke ye zulm ke bani

bachpan mein kya tha, mira matam shah den ne

nana ko khabar di thi miri ruh-e-amin ne

pahlu mein jo thi fatima ke turbat-e-shabar

is qabr se lipte ba mohabbat shah-e-safdar

chillae ke shabbir ki rukhsat hai baradar

hazrat ko to pahlu hua aman ka muyassar

qabren bhi juda hain tah-e-aflak hamari

dekhen hamen le jae kahan khak hamari

ye kah ke chale qabr-e-husn se shah-e-mazlum

rahwar jo manga to sawari ki hui dhum

yaran-e-watan gard the afsurda-e-maghmum

chillate the khadim ke chala khalq ka makhdum

khali hua ghar aj rasul-e-arabi ka

tabut isi dhum se nikla tha bani ka

jab uth gai thin khalq se makhdoma-e-alam

sar pitte the log isi tarah se baham

barpa tha janaze pe ali ke yunahin matam

tha rehlat-e-shabar mein muhibon ka yahi gham

bas aj se be waris-o-wali hai madina

ab panjatan pak se khali hai madina

chillati thin randen ke chali shah ki sawari

lega khabar ab kaun musibat mein hamari

ankhon se yatyimon ki dur-e-ashk tha jari

muztar the apahaj zaafa karte the zari

kahte the gada, ham ko ghani kaun karega

mohtajon ki faqa shikani kaun karega

tha, nake talak shahr ke ik shor-e-qayamat

samjhate hue sab ko chale jate the hazrat

ro ro ke wo kahta tha jise karte the rukhsat

paenge kahan ham, ye ghanimat hai ziyarat

akhir to bichhar kar kaf-e-afsos milenge

das bis qadam aur bhi hamrah chalenge

qasmen unhen de de ke kaha shah ne ke jao

taklif tumhen hoti hai ab sath na ao

allah ko saunpa tumhen ansu na bahao

phirne ke nahin, ham se bas ab hath uthao

is bekas-o-tanha ki khabar puchhte rahna

yaro miri saghra ki khabar puchhte rahna

rote hue wo log phire shah sidhare

jo sahab-e-qismat the wo hamrah sidhare

kis shauq se mardan-e-haq agah sidhare

abid taraf-e-khana-e-allah sidhare

utre na musafir kisi makhluq ke ghar mein

ashiq ko kashish le gai maashuq ke ghar mein

raushan hui kaaba ki zamin nur-e-khuda se

makka ne sharaf aur bhi paya shurafa se

jhuk jhuk ke mile, sibt-e-payambar ghuraba se

abad hua shahr, namazon ki sada se

khush ho ke hua khwah ye kahte the ali ke

sab bap ki khu bu hai nawase mein nabi ke

kaabe men bhi ik din na mila shah ko aram

kofe se chale ate the name sahar-o-sham

aada ne guzarne na diye, haj ke bhi ayyam

khola pisar-e-fatima ne bandh ke ehram

azim taraf-e-rah-e-ilahi hue hazrat

thi hashtam zi alhaja ke rahi hue hazrat

jate the dil afsurda-o-ghamgin shah-e-abrar

har gam pe hote the ayan maut ke asar

qabren nazar atin kisi sahra mein jo do char

farmate the shah fatbaro ya aula alabsar

juz khak na hue ga nishan bhi badnon ka

anjam ye hai ham se gharib alwatanon ka

ahbab kahin, ghar hai kahin, ap kahin hain

age to zamin par the par ab zer-e-zamin hain

khali hain makan ap tah-e-khak makin hain

jo dur na rahte the wo ab pas nahin hain

hasrat ye rahi hogi ke pahunche na watan mein

kya munh ko lapete hue sote hain kafan mein

baten thin yahi yas ki aur dard ki taqrir

manzil pe bhi aram se sote the na shabbir

shab ko kahin utre, to sahar ko hue rahgir

jaldi thi ke, ho jae shahadat mein na takhir

maqtal ka ye tha shauq shah-e-jin-o-bashar ko

jis tarah se dhundhe koi maashuq ke ghar ko

milta tha koi mard-e-musafir jo sar-e-rah

yun puchhte the us se ba hasrat shah-e-zi jah

aisa koi sahra bhi hai ai banda-e-allah

ik nahr siwa jis mein ho chashma na koi chah

kya milta hai, is dasht mein aur kya nahin milta

ham dhundhte phirte hain, wo sahra nahin milta

wo arz ye karta tha ke sibt-e-shah-e-laulak

hai sakht pur andoh, wo sahra tah-e-aflak

hansta hua wan jae to ho jata hai ghamnak

sunta hun wahan din ko urata hai koi khak

wan raton ko ati hai sada sina zani ki

darwesh ki mumkin hai sukunat na ghani ki

chillati hai aurat koi hai hai mire farzand

is dasht mein ho jaega to khak ka paiwand

talwaron se takre yahin honge tire dilband

pani yahin ho jaega bachchon pe tire band

pyare to isi khak pe ghore se girega

hai hai yahin khanjar tiri gardan pe phirega

ik sher tirai mein ye chillata hai din rat

kat jaenge yan hath mire lal ke hehat

kya hal kahun nahr ka, ai shah-e-khush auqat

pani to nahin shor, pe mashhur hai ye bat

tair bhi dam-e-tishna dahani nahin pite

wahshi kabhi wan an ke pani nahin pite

is ja na utarta hai na dam leta hai rah gir

hai shor ke is ab mein hai ag ki tasir

pyason ke liye us ki har ik mauj hai shamshir

is tarah hawa chalti hai jis tarah chalen tir

bujhti nahin wan pyas kis tishna galo ki

bu ati hai is nahr ke pani mein lahu ki

us shakhs se ye kah ke chale qibla-e-alam

allah ne chaha to basaenge use ham

ashiq pe bala baad bala ati hai har dam

gham aur barha, wasl ka arsa jo raha kam

afat ye nai fauj-e-shahanshah mein ai

muslim ki shahadat ki khabar rah mein ai

ghurbat mein na matam ki sunae khabar allah

tari hua hazrat pe ajab sadma-e-jankah

gundhe hue sar khol ke pite haram-e-shah

farmate the shah sab ko hai darpesh yahi rah

hoga wahi allah ko jo mad-e-nazar hai

aj un ka hua kuch, kal apna bhi safar hai

waris ke liye zauja-e-muslim ka tha ye hal

mahmil se giri parti thi bikhrae hue bal

rote the bahan ke liye abbas-e-khush iqbal

wo kahti thi sath ae the chhote mire do lal

puchho to kidhar wo mire pyare gae donon

farmate the shabbir ke mare gae donon

mahmil the sab is bi bi ke hodaj ke barabar

tha shor ke bewa hui shabbir ki khwahar

ghabra gai thi muslim-e-mazlum ki dukhtar

har bar yahi puchhti thi man se lipat kar

kyun pitti ho kaun juda ho gaya aman

ghurbat mein mire bap pe kya ho gaya aman

us din se to ik abr-e-sitam fauj pe chhaya

khana kai din qafila walon ne na khaya

raste mein abhi tha asadalla ka jaya

jo chand mahram ka falak par nazar aya

sab ne mah-e-nau lashkar-e-shabbir mein dekha

munh shah ne aina-e-shamshir mein dekha

khwesh-o-rufaqa chand ki taslim ko ae

mujre ko jhuke aur sukhan lab pe ye lae

ye chand mubarak ho yadallah ke jae

kuffar pe to fath, isi chand mein pae

rutba maha-o-khurshid se bala rahe tera

ta hashr zamane mein ujala rahe tera

hazrat ne dua parh ke ye ki haq se munajat

kar rahm gunahgaron pe ai qazi-e-hajat

sar dene ka mushtaq hun alim hai tiri zat

khanjar miri ankhon mein phira karta hai din rat

baqi hain jo raten wo ibadat mein basar hun

ye zist ke das din tiri taat mein basar hun

pahuncha de mujhe jaldi bas ai khaliq-e-aflak

us khak pe jis khak se milti hai miri khak

talib hai tire qurb ka sibt-e-shah-e-laulak

na mulk ki khwahish hai na darkar hai amlak

betab hai dil sabr ka yara nahin mujh ko

ab fasl-e-bajuz wasl gawara nahin mujho ko

itne mein ye fizza ali akbar ko pukari

lo dekh chuki chand yad allah ki pyari

adat hai ke wo dekhti hain shakl tumhari

ankhon ko kiye band ye farmati hain wari

ae to rukh-e-akbar-e-zi qadr ko dekhun

shakl-e-mah-e-nau dekh chuki badr ko dekhun

shah dakhil-e-khema hue farzand ke hamrah

munh dekh chuki chand yad allah ki pyari

ye chand hai kis tarah ka ai fatima ke mah

farmane lage ro ke bahan se shah-e-zi jah

sar tan se mira us mah-e-pur gham mein katega

zinib ye mahina tumhen matam mein katega

ye al-e-nabi ki hai musibat ka mahina

ye zulm ka ashra hai ye afat ka mahina

pahuncha hai gharibon ki shahadat ka mahina

akhir hai bas ab umr ki muddat ka mahina

ye bar imamat miri gardan se utar jae

ho khatima bilkhair jo sar tan se utar jae

gardun pe mah-e-nau jo numayan hai ye hamsher

charhti hai mire sar ke liye charkh pe shamshir

is chand mein kat jaega sab lashkar-e-shabbir

neza koi khaega kaleja pe, koi tir

barchhi kisi janbaz ke pahlu mein lagegi

shamshir, kisi sher ke pahlu mein lagegi

kheme ko jala denge, lutega zar-o-zewar

us mah mein honge na pidar aur na baradar

maon se pisar chhutenge bahnon se baradar

bewa kai sayyadaniyan howen gi muqarrar

ghurkin ge sitamgar jo rowegi sakina

us mah mein be bap ki howe gi sakina

dolaha koi tapon ke tale hue ga pamal

pitegi koi taza dulhan khole hue bal

tiron se kisi man ka jigar howe ga ghirbal

niklegi koi kahti hui hae mira lal

maasumon ke sone ki jagah paenge khali

bachchon se bhari godiyan ho jaengi khali

is ashra-e-awwal mein na huin ge bahan ham

tarikh-e-safar hai dahum-e-mah-e-mahram

ashra ye wo ashra hai ke ai zenbi pur gham

jis lal ki ashiq ho wo ho jaega be dam

dekhogi na phir munh ali akbar se pisar ka

ab sham mein hue ga tumhen chand safar ka

rone ke liye haq ne banae hain ye das din

in rozon khushi ho ke kisi ko nahin mumkin

lewenge mira taaziya har shahr ke sakin

akbar ko jawan roenge maasumon ko kam sun

bhulen hamen aise nahin gham khwar hamare

huin ge siyah posh azadar hamare

ghash ho gai sun kar ye bayan zinib pur gham

kheme mein isi rat se barpa hua matam

bedar rahen subh talak bebayan baham

khemon ko ukharwa ke chale qibla-e-alam

akhir wahi sahra, wahi jangal nazar aya

thi dusri tarikh ke maqtal nazar aya

utre isi maidan-e-bala khez mein surur

istada hue, khema-e-namus-e-payambar

sahra ki taraf dekh ke khush ho gae akbar

dariya pe tahalne lage abasi-e-dilawar

shah bole hua nahr ki bhai tumhen bhai

han sher ho dariya ki tirai tumhen bhai

khame ko bas ab rok unnis-e-jigar afgar

khaliq se dua mang ke ai izid-e-ghaffar

zinda rahen duniya mein shah den ke azadar

ghair az gham-e-shah, un ko na gham ho koi zinhar

ankhon se mazar-e-shah-e-dilgir ko dekhen

is sal mein bas rauza-e-shabbir ko dekhen