فجر اٹھ خواب سیں گلشن میں جب تم نے ملی انکھیاں

فجر اٹھ خواب سیں گلشن میں جب تم نے ملی انکھیاں

گئیں مند شرم سوں نرگس کی پیارے جوں کلی انکھیاں

نظر بھر دیکھ تیرے آتشیں رخسار اے گل رو

مرے دل کی برنگ قطرۂ شبنم گلی انکھیاں

خراماں آب حیواں جوں چلا جب جان آگے سیں

انجہو کا بھیس کر پیچھوں سیں پیارے بہہ چلی انکھیاں

تمہیں اوروں سیں دونا دیکھتی ہیں خوش نمائی میں

ہنر جانے ہیں اپنا آج عیب احولی انکھیاں

پکڑ مژگاں کے پنجے سوں مروڑا یوں مرے دل کو

تری زورآوری میں آج رستم ہیں بلی انکھیاں

ترا ہر عضو پیارے خوش نما ہے عضو دیگر سیں

مژہ سیں خوب تر ابرو و ابرو سیں بھلی انکھیاں

تحیر کے پھندے میں صید ہو کر چوکڑی بھولے

اگر آہو کوں دکھلاؤں سجن کی اچپلی انکھیاں

ہوئی فانوس گردوں کے سیہ کاجل سوں سر تا پا

شب ہجراں میں تیری شمع ہو یاں لگ جلی انکھیاں

زباں کر اپنے مژگاں کوں لگی ہیں ریختے پڑھنے

ہوئی ہیں آبروؔ کے وصف میں تیری ولی انکھیاں

fajr uth khwab sin gulshan mein jab tum ne mili ankhiyan

gain mand sharm sun nargis ki pyare jun kali ankhiyan

nazar bhar dekh tere atishin rukhsar ai gul ru

mire dil ki barang-e-qatra-e-shabnam gali ankhiyan

khiraman ab-e-haiwan jun chala jab jan age sin

anjaho ka bhes kar pichhun sin pyare bah chali ankhiyan

tumhen auron sin duna dekhti hain khush numai mein

hunar jane hain apna aj aib ahwali ankhiyan

pakar mizhgan ke panje sun marora yun mire dil ko

tiri zorawari mein aj rustam hain billi ankhiyan

tira har uzw pyare khush numa hai uzw digar sin

mizha sin khub tar abru-o-abru sin bhali ankhiyan

tahayyur ke phande mein said ho kar chaukari bhule

agar ahu kun dikhlaun sajan ki achpali ankhiyan

hui fanus gardun ke siyah kajal sun sar ta pa

shab-e-hijran mein teri shama ho yan lag jali ankhiyan

zaban kar apne mizhgan kun lagi hain rekhte parhne

hui hain abru ke wasf mein teri wali ankhiyan