عہد حاضر میں عیار صبح تو بدلا مگر

عہد حاضر میں عیار صبح تو بدلا مگر

اے اندھیری رات تجھ کو بھی بدلنا چاہیئے

باوجود غم مسلسل قہقہے اے نامراد

کاروان زندگی کے ساتھ چلنا چاہیئے

شان رندانہ کی ہے توہین ازخود رفتگی

سہل ہے پینا مگر پی کر سنبھلنا چاہیئے

زندگی وہ کیا جو ہے ناواقف آشوب عشق

سینۂ آدم میں طوفانوں کو پلنا چاہیئے

اقتضائے عصر نو ہے زندگی تو درکنار

موت کو بھی حسن کے سانچے میں ڈھلنا چاہیئے

اے جنوں کچھ دیر شغل خاک بازی ہی سہی

دل تو اس صحرائے ہستی میں بہلنا چاہیئے

ahd-e-hazir mein ayyar-e-subh to badla magar

ai andheri rat tujh ko bhi badalna chahiye

bawajud-e-gham musalsal qahqahe ai namurad

karwan-e-zindagi ke sath chalna chahiye

shan-e-rindana ki hai tauhin-e-azkhud raftagi

sahl hai pina magar pi kar sambhalna chahiye

zindagi wo kya jo hai nawaqif-e-ashob-e-ishq

sina-e-adam mein tufanon ko palna chahiye

iqtiza-e-asr-e-nau hai zindagi to darkanar

maut ko bhi husn ke sanche mein dhalna chahiye

ai junun kuchh der shaghl-e-khak bazi hi sahi

dil to is sahra-e-hasti mein bahalna chahiye