عنایت اس قدر اللہ اکبر اپنے بسمل پر

عنایت اس قدر اللہ اکبر اپنے بسمل پر

کلیجے پر کبھی وہ ہاتھ رکھتے ہیں کبھی دل پر

مجھے وہ ذبح کر کے اس لئے منہ کو چھپائے ہیں

قیامت ہو کہیں گر چاندنی پڑ جائے بسمل پر

در دولت پہ دوں چل کر فقیرانہ صدا اک دن

سنا ہے در تک آ جاتے ہیں وہ آواز سائل پر

تسلی اور چٹکی لے گی بے تابی کے پہلو میں

کہیں تم ہاتھ رکھ دینا نہ اس ٹھہرے ہوئے دل پر

تمہارے مرنے والوں پر زمانہ رشک کرتا ہے

مزے سے پاؤں پھیلائے ہوئے سوتے ہیں منزل پر

کلام عاشقانہ سن کے ہر شاعر یہ کہتا ہے

تمہاری نظم صفدرؔ بڑھ گئی ہے نظم بیدلؔ پر

inayat is qadar allah akbar apne bismil par

kaleje par kabhi wo hath rakhte hain kabhi dil par

mujhe wo zabh kar ke is liye munh ko chhupae hain

qayamat ho kahin gar chandni par jae bismil par

dar-e-daulat pe dun chal kar faqirana sada ik din

suna hai dar tak a jate hain wo awaz sail par

tasalli aur chutki legi be tabi ke pahlu mein

kahin tum hath rakh dena na is thahre hue dil par

tumhare marne walon par zamana rashk karta hai

maze se paon phailae hue sote hain manzil par

kalam-e-ashiqana sun ke har shayar ye kahta hai

tumhari nazm safdar barh gai hai nazm bedil par