عیش سے بے نیاز ہیں ہم لوگ

عیش سے بے نیاز ہیں ہم لوگ

بے خود سوز و ساز ہیں ہم لوگ

جس طرح چاہے چھیڑ دے ہم کو

تیرے ہاتھوں میں ساز ہیں ہم لوگ

بے سبب التفات کیا معنی

کچھ تو اے چشم ناز ہیں ہم لوگ

محفل سوز و ساز ہے دنیا

حاصل سوز و ساز ہیں ہم لوگ

کوئی اس راز سے نہیں واقف

کیوں سراپا نیاز ہیں ہم لوگ

ہم کو رسوا نہ کر زمانے میں

بسکہ تیرا ہی راز ہیں ہم لوگ

سب اسی عشق کے کرشمے ہیں

ورنہ کیا اے مجازؔ ہیں ہم لوگ

aish se be niyaz hain ham log

be khud-e-soz-o-saz hain ham log

jis tarah chahe chher de ham ko

tere hathon mein saz hain ham log

be sabab iltifat kya maani

kuchh to ai chashm-e-naz hain ham log

mahfil-e-soz-o-saz hai duniya

hasil-e-soz-o-saz hain ham log

koi is raz se nahin waqif

kyun sarapa niyaz hain ham log

ham ko ruswa na kar zamane mein

baske tera hi raz hain ham log

sab isi ishq ke karishme hain

warna kya ai majaz hain ham log