عیاں ہو آپ بیگانہ بنایا

عیاں ہو آپ بیگانہ بنایا

وجود خاک کا شانہ بنایا

تو ہے الفاظ سے ماہر اے واعظ

مجھے بے کیف و کم معنیٰ بنایا

کیا اظہار جب میں راز حق کو

تو عالم مجھ کو رندانہ بنایا

ہنسی سے میری اس نے ٹال دی بات

میں تھا ہوشیار دیوانہ بنایا

مجھے ساقی نے بے منت کے دی مے

خمار عشق مردانہ بنایا

پکارا عشق نے جا ڈھونڈ لے یار

تن خاکی کو ہے خانہ بنایا

اڑایا بات میں جو خود پرستی

مجھے مل دے کے مستانہ بنایا

میں جانا آپ کو ہر حال مظہر

بہ ظاہر بندہ فرزانہ بنایا

اے مرکزؔ تجھ سے ہے سب شان ظاہر

عجب آئینہ شاہانہ بنایا

ayan ho ap begana banaya

wajud-e-khak ka shana banaya

tu hai alfaz se mahir ai waiz

mujhe be kaif-o-kam maani banaya

kiya izhar jab main raz-e-haq ko

tu alam mujh ko rindana banaya

hansi se meri us ne tal di bat

main tha hoshyar diwana banaya

mujhe saqi ne be minnat ke di mai

khumar-e-ishq mardana banaya

pukara ishq ne ja dhund le yar

tan-e-khaki ko hai khana banaya

uraya bat mein jo khud parasti

mujhe mil de ke mastana banaya

main jana ap ko har hal mazhar

ba zahir banda farzana banaya

ai markaz tujh se hai sab shan-e-zahir

ajab aina shahana banaya