عیش و عشرت ہی میں کچھ ہے زندگی

عیش و عشرت ہی میں کچھ ہے زندگی

مرگ ہے بے یار و بے مے زندگی

جو ترے کشتے ہیں اے مطرب پسر

ہے انہوں کی نالۂ نے زندگی

نے ہوا نے ابر نے ساقی نے مے

کیجئے اس طرح تا کے زندگی

مر گئے ؔجوشش اسی دریافت میں

کیا کہیں ہے کون سی شے زندگی

aish-o-ishrat hi mein kuchh hai zindagi

marg hai be yar-o-be mai zindagi

jo tire kushte hain ai mutrib pisar

hai unhon ki nala-e-ne zindagi

ne hawa ne abr ne saqi ne mai

kijiye is tarah ta ke zindagi

mar gae joshish isi daryaft mein

kya kahen hai kaun si shai zindagi