آہ کو جو کہوں برائی کی

آہ کو جو کہوں برائی کی

بخت نے کون سی رسائی کی

مہرباں وہ ہوئے تو حیراں ہوں

ان سے کیا میں نے بے وفائی کی

اس کے رفع گمان بد کے لئے

مدتوں ہم نے پارسائی کی

ضعف میں سر ہلا نہ بالیں سے

گو بہت طاقت آزمائی کی

سب سے بیگانہ ہم رہے عارفؔ

دوستی کی نہ آشنائی کی

ah ko jo kahun burai ki

bakht ne kaun si rasai ki

mehrban wo hue to hairan hun

un se kya main ne be wafai ki

us ke raf-e-guman bad ke liye

muddaton ham ne parsai ki

zof mein sar hila na balin se

go bahut taqat azmai ki

sab se begana ham rahe arif

dosti ki na ashnai ki