عقل کو چھوڑ عشق میں آ جا

عقل کو چھوڑ عشق میں آ جا

خام ہے عشق سوں جو کوئی لا جا

عشق بازی میں دل کو رکھ ثابت

اپنا معشوق آپ میں پا جا

عشق کی راہ میں ہے یک رنگی

کیا وہاں بادشاہ کیا راجا

عشق کی راہ میں مسافر کو

عاشقاں بولتے ہیں جلد جا جا

شہ سوں پایا ہے جب وصال علیمؔ

فوج عشاق میں طبل باجا

aql ko chhor ishq mein a ja

kham hai ishq sun jo koi la ja

ishq bazi mein dil ko rakh sabit

apna maashuq ap mein pa ja

ishq ki rah mein hai yak rangi

kya wahan badshah kya raja

ishq ki rah mein musafir ko

ashiqan bolte hain jald ja ja

shah sun paya hai jab wisal alim

fauj ushshaq mein tabal baja