عقل جزوی چھوڑ کر اے یار فکر گل کرو

عقل جزوی چھوڑ کر اے یار فکر گل کرو

مشعل دل کو چتا فانی چراغاں گل کرو

دل لگاؤ ایک سے دونوں جہاں جس کا ظہور

بوالہوس ہو کر نہ ہرگز عادت بلبل کرو

میں محبت سوں ہمیشہ عشق میں سرشار ہوں

نشۂ فانی سوں مت خاطر کو خوئے مل کرو

زلف و عارض ہے منور دیکھ وجہ اللہ کا

تم نہ کو سیر چمن اور خواہش سنبل کرو

قول پر لا تقنطو کے رہو ہمیشہ جمع دل

مت تمہیں خاطر پریشاں صورت کاکل کرو

خوف مت رکھو کسی دشمن سے دل میں یک رتی

پشت باں اپنا ہمیشہ صاحب دلدل کرو

اے علیمؔ اللہ اول عشق میں مسمار ہو

عاشقوں میں بعد اپنے عاشقی کا غل کرو

aql juzwi chhor kar ai yar fikr-e-gul karo

mashal-e-dil ko chita fani charaghan gul karo

dil lagao ek se donon jahan jis ka zuhur

bawalhos ho kar na hargiz adat-e-bulbul karo

main mohabbat sun hamesha ishq mein sarshar hun

nasha-e-fani sun mat khatir ko khu-e-mil karo

zulf-o-ariz hai munawwar dekh wajh-e-allah ka

tum na ko sair-e-chaman aur khwahish sumbul karo

qaul par la taqnato ke raho hamesha jama dil

mat tumhen khatir pareshan surat-e-kakul karo

khauf mat rakho kisi dushman se dil mein yak ratti

pusht ban apna hamesha sahab-e-daldal karo

ai alim allah awwal-e-ishq mein mismar ho

ashiqon mein baad apne ashiqi ka ghul karo