عشق ہے یار کا خدا حافظ

عشق ہے یار کا خدا حافظ

امر دشوار کا خدا حافظ

پیچ مجھ پر پڑے جو پڑنا ہو

زلف خم دار کا خدا حافظ

سر جو ٹکراتا ہوں تو کہتے ہیں

میری دیوار کا خدا حافظ

سرفروشوں کی چشم بد نہ پڑے

ان کی تلوار کا خدا حافظ

دفن ہم ہو چکے تو کہتے ہیں

اس گنہ گار کا خدا حافظ

دشت چھوٹا تو آبلوں نے کہا

یاں کے ہر خار کا خدا حافظ

بات کرنے میں ہونٹ لڑتے ہیں

ایسے تکرار کا خدا حافظ

بلبلیں قید باغباں غافل

گل زردار کا خدا حافظ

گر سخیؔ کو ہے عشق کا آزار

ایسے بیمار کا خدا حافظ

ishq hai yar ka khuda hafiz

amar dushwar ka khuda hafiz

pech mujh par pare jo parna ho

zulf-e-kham dar ka khuda hafiz

sar jo takrata hun to kahte hain

meri diwar ka khuda hafiz

sarfaroshon ki chashm-e-bad na pare

un ki talwar ka khuda hafiz

dafn ham ho chuke to kahte hain

is gunah gar ka khuda hafiz

dasht chhota to ablon ne kaha

yan ke har khar ka khuda hafiz

bat karne mein hont larte hain

aise takrar ka khuda hafiz

bulbulen qaid baghban ghafil

gul zardar ka khuda hafiz

gar sakhi ko hai ishq ka azar

aise bimar ka khuda hafiz