عشوؤں کی ہے نہ اس نگہ فتنہ زا کی ہے

عشوؤں کی ہے نہ اس نگہ فتنہ زا کی ہے

ساری خطا مرے دل شورش ادا کی ہے

مستانہ کر رہا ہوں رہ عاشقی کو طے

کچھ ابتدا کی ہے نہ خبر انتہا کی ہے

کھلتے ہی پھول باغ میں پژمردہ ہو چلے

جنبش رگ بہار میں موج فنا کی ہے

ہم خستگان راہ کو راحت کہاں نصیب

آواز کان میں ابھی بانگ درا کی ہے

ڈوبا ہوا سکوت میں ہے جوش آرزو

اب تو یہی زبان مرے مدعا کی ہے

لطف نہان یار کا مشکل ہے امتیاز

رنگت چڑھی ہوئی ستم برملا کی ہے

ashoun ki hai na us nigah-e-fitna za ki hai

sari khata mire dil-e-shorish ada ki hai

mastana kar raha hun rah-e-ashiqi ko tai

kuchh ibtida ki hai na khabar intiha ki hai

khulte hi phul bagh mein pazhmurda ho chale

jumbish rag-e-bahar mein mauj-e-fana ki hai

ham khissatgan rah ko rahat kahan nasib

awaz kan mein abhi bang-e-dara ki hai

duba hua sukut mein hai josh-e-arzu

ab to yahi zaban mire muddaa ki hai

lutf-e-nahan yar ka mushkil hai imtiyaz

rangat charhi hui sitam barmala ki hai