آہ و نالہ نے کچھ اثر نہ کیا

آہ و نالہ نے کچھ اثر نہ کیا

ہجر کی شام کو سحر نہ کیا

تلخئ صبر خوش گوار ہوئی

زہر نے بھی مجھے اثر نہ کیا

سر کو پھوڑا جو کوہ کن نے تو کیا

عشق میں کس نے نذر سر نہ کیا

کون سی ایسی آفت آئی جب

آسماں نے مجھے سپر نہ کیا

کانپتا ہے وہ دل غضب سے ترے

جس نے اے بت خدا کا ڈر نہ کیا

جس نے دیکھا وہ روئے آتش ناک

پھر گماں اسے نے برق پر نہ کیا

کوچ اپنا بھی ہو گیا احقرؔ

غم و اندوہ نے سفر نہ کیا

ah-o-nala ne kuchh asar na kiya

hijr ki sham ko sahar na kiya

talkhi-e-sabr khush gawar hui

zahr ne bhi mujhe asar na kiya

sar ko phora jo koh kin ne to kya

ishq mein kis ne nazr-e-sar na kiya

kaun si aisi afat ai jab

asman ne mujhe sipar na kiya

kanpta hai wo dil ghazab se tire

jis ne ai but khuda ka dar na kiya

jis ne dekha wo ru-e-atish nak

phir guman use ne barq par na kiya

kuch apna bhi ho gaya ahqar

gham-o-andoh ne safar na kiya