علمائے زندانی

مساجد کی حفاظت کے لیے پولس کی حاجت ہے

خدا کو آپ نے مشکور فرمایا عنایت ہے

عجب کیا ہے کہ اب ہر شاہراہ سے یہ صدا آئے

مجھے بھی کم سے کم اک غسل خانہ کی ضرورت ہے

پنہائی جا رہی ہیں عالمان دیں کو زنجیریں

یہ زیور سید سجاد عالی کی وراثت ہے

یہی دس بیس اگر ہیں کشتگان خنجر اندازی

تو مجھ کو سستی بازوئے قاتل کی شکایت ہے

شہیدان وفا کے قطرۂ خوں کام آئیں گے

عروس مسجد زیبا کو افشاں کی ضرورت ہے

عجب کیا ہے جو نوخیزوں نے سب سے پہلے جانیں دیں

کہ یہ بچے ہیں ان کو جلد سو جانے کی عادت ہے

شہیدان وفا کی خاک سے آئی ہیں آوازیں

کہ شبلی بمبئی میں رہ کے محروم سعادت ہے

masajid ki hifazat ke liye pulis ki hajat hai

khuda ko ap ne mashkur farmaya inayat hai

ajab kya hai ke ab har shahrah se ye sada ae

mujhe bhi kam se kam ik ghusl khana ki zarurat hai

panhai ja rahi hain alaman den ko zanjiren

ye zewar sayyad-e-sajjad ali ki wirasat hai

yahi das bis agar hain kishtgan-e-khanjar andazi

tu mujh ko sasti bazu-e-qatil ki shikayat hai

shahidan-e-wafa ke qatra-e-khun kam aenge

urus-e-masjid-e-zeba ko afshan ki zarurat hai

ajab kya hai jo naukhezon ne sab se pahle janen den

ke ye bachche hain un ko jald so jane ki adat hai

shahidan-e-wafa ki khak se ai hain awazen

ke shabli bambai mein rah ke mahrum-e-saadat hai