عدو پر لطف ہے ہم پر جفا ہے

عدو پر لطف ہے ہم پر جفا ہے

مری جاں کیا یہی رسم وفا ہے

ستم ایجاد تیری کیا خطا ہے

مری تقدیر ہی مجھ سے خفا ہے

ہم اپنے حال کے قربان جائیں

وہ فرماتے ہیں تم کو کیا ہوا ہے

ترے در پر جبیں سائی سے حاصل

کہیں تقدیر کا لکھا مٹا ہے

تمہاری کاکل پیچاں سے الجھوں

مرا بیٹھے بٹھائے سر پھرا ہے

تصور کی فسوں کاری تو دیکھو

وہ گویا سامنے بیٹھا ہوا ہے

عبث کرتے ہو تکلیف مداوا

مریض غم کہیں جان بر ہوا ہے

وہ سن کر کہتے ہیں فریاد ہاجرؔ

کسی ٹوٹے ہوئے دل کی صدا ہے

adu pur lutf hai ham par jafa hai

miri jan kya yahi rasm-e-wafa hai

sitam ijad teri kya khata hai

miri taqdir hi mujh se khafa hai

ham apne hal ke qurban jaen

wo farmate hain tum ko kya hua hai

tire dar par jabin sai se hasil

kahin taqdir ka likha mita hai

tumhari kakul-e-pechan se uljhun

mira baithe bithae sar phira hai

tasawwur ki fusun kari to dekho

wo goya samne baitha hua hai

abas karte ho taklif-e-mudawa

mariz-e-gham kahin jan-e-bar hua hai

wo sun kar kahte hain fariyad hajir

kisi tute hue dil ki sada hai