عدو تو کیا یہ فلک بھی اسے ستا نہ سکا

عدو تو کیا یہ فلک بھی اسے ستا نہ سکا

خوشی ہنسا نہ سکی غم جسے رلا نہ سکا

نہ پوچھ اس کی دل افسردگی کی کیفیت

جو غم نصیب خوشی میں بھی مسکرا نہ سکا

وہ پوچھ بیٹھے یکایک جو وجہ بے تابی

کھجا کے رہ گیا سر بات کچھ بنا نہ سکا

وہ دیکھ لیں نہ کہیں میری چشم پر نم کو

گیا تو ملنے کو آنکھیں مگر ملا نہ سکا

یہ دو دلی میں رہا گھر نہ گھاٹ کا انجمؔ

بتوں کو کر نہ سکا خوش خدا کو پا نہ سکا

adu to kya ye falak bhi use sata na saka

khushi hansa na saki gham jise rula na saka

na puchh us ki dil afsurdagi ki kaifiyat

jo gham nasib khushi mein bhi muskura na saka

wo puchh baithe yakayak jo wajh-e-be tabi

khuja ke rah gaya sar bat kuchh bana na saka

wo dekh len na kahin meri chashm pur nam ko

gaya to milne ko ankhen magar mila na saka

ye do dili mein raha ghar na ghat ka anjum

buton ko kar na saka khush khuda ko pa na saka