عدو کو دیکھ کے جب وہ ادھر کو دیکھتے ہیں

عدو کو دیکھ کے جب وہ ادھر کو دیکھتے ہیں

نظر چرا کے ہم ان کی نظر کو دیکھتے ہیں

وہ رکھ کے ہاتھ سے آئینہ تن کے بیٹھ گئے

دہن کو دیکھ چکے اب کمر کو دیکھتے ہیں

کسی کے حسن سے یہ ہم کو بد گمانی ہے

کہ پہلے نامہ سے ہم نامہ بر کو دیکھتے ہیں

یہ امتحان کشش حسن و عشق کا ہے بنا

نہ ہم ادھر کو نہ اب وہ ادھر کو دیکھتے ہیں

کبھی وہ آئینے میں دیکھتے ہیں اپنی شکل

کبھی وہ بیخودؔ آشفتہ سر کو دیکھتے ہیں

adu ko dekh ke jab wo idhar ko dekhte hain

nazar chura ke ham un ki nazar ko dekhte hain

wo rakh ke hath se aina tan ke baith gae

dahan ko dekh chuke ab kamar ko dekhte hain

kisi ke husn se ye ham ko bad gumani hai

ke pahle nama se ham nama bar ko dekhte hain

ye imtihan-e-kashish husn-o-ishq ka hai bana

na ham idhar ko na ab wo idhar ko dekhte hain

kabhi wo aine mein dekhte hain apni shakl

kabhi wo bekhud ashufta sar ko dekhte hain