آہ میں کچھ نظر آئی نہ اثر کی صورت

آہ میں کچھ نظر آئی نہ اثر کی صورت

یہ وہ ہے نخل کہ دیکھی نہ ثمر کی صورت

اپنی آغوش میں وہ ماہ لقا شام سے ہے

یا الٰہی نظر آئے نہ سحر کی صورت

جوش آیا نہ مرے دل کی طرح سے اس کو

ابر برسا نہ کبھی دیدۂ تر کی صورت

کر دیا ہے غم فرقت نے مجھے زار ایسا

گم ہوں نظروں سے مگر ان کی کمر کی صورت

سرخ رو میں جو ہوا نقد شہادت پا کر

رو سیہ ہو گئے اغیار سپر کی صورت

پھر فرشتے نہ کبھی حور کی صورت دیکھیں

دیکھ پائیں جو مرے رشک قمر کی صورت

پھولنے پھلنے کی امید تھی وہبیؔ اک دن

کر دیا عشق نے اب خشک شجر کی صورت

ah mein kuchh nazar ai na asar ki surat

ye wo hai nakhl ke dekhi na samar ki surat

apni aghosh mein wo mah liqa sham se hai

ya ilahi nazar ae na sahar ki surat

josh aya na mire dil ki tarah se us ko

abr barsa na kabhi dida-e-tar ki surat

kar diya hai gham-e-furqat ne mujhe zar aisa

gum hun nazron se magar un ki kamar ki surat

surkh ru mein jo hua naqd-e-shahadat pa kar

ro siyah ho gae aghyar sipar ki surat

phir farishte na kabhi hur ki surat dekhen

dekh paen jo mire rashk-e-qamar ki surat

phulne phalne ki ummid thi wobi ik din

kar diya ishq ne ab khushk shajar ki surat