عجب رنگ کی مے پرستی رہی

عجب رنگ کی مے پرستی رہی

کہ بے مے پیے مے کی مستی رہی

بکھرتے رہے گیسوئے عنبریں

صبا ان سے مل مل کے بستی رہی

رہا دور میں ساغر نرگسی

مری مے ان آنکھوں کی مستی رہی

وہ شکل اپنی ہر دم بدلتے رہے

یہاں مشق صورت پرستی رہی

وہیں رہ پڑے راہ میں حسن دوست

جہاں حسن والوں کی بستی رہی

ملی روز ہم فاقہ مستوں کو مے

خدا جانے مہنگی کہ سستی رہی

مبارکؔ پرستار مے خانہ تھا

یہ جب تک رہا مے پرستی رہی

ajab rang ki mai parasti rahi

ke be mai piye mai ki masti rahi

bikharte rahe gesu-e-ambarin

saba un se mil mil ke basti rahi

raha daur mein saghar-e-nargisi

miri mai in ankhon ki masti rahi

wo shakl apni har dam badalte rahe

yahan mashq surat parasti rahi

wahin rah pare rah mein husn-e-dost

jahan husn walon ki basti rahi

mili roz ham faqa maston ko mai

khuda jane mahngi ke sasti rahi

mubarak parastar-e-mai khana tha

ye jab tak raha mai parasti rahi