اب آؤ سرود غم سنائیں

اب آؤ سرود غم سنائیں

سوتی ہوئی روح کو جگائیں

اجزائے حیات منتشر ہیں

آئین حیات کیا بنائیں

ہو جاؤں میں زندگی سے بیزار

اتنا بھی نہ آپ آزمائیں

بجھنے کو ہے شمع زندگانی

کیا آپ کو حال دل سنائیں

میں خوگر درد ہو چلا ہوں

اچھا ہے کہ آپ اب نہ آئیں

عشرت کے فریب کھانے والے

جینا ہے اگر تو غم اٹھائیں

مجبور یقین وعدہ ہوں میں

اے ہوشؔ وہ آئیں یا نہ آئیں

ab ao surud gham sunaen

soti hui ruh ko jagaen

ajza-e-hayat-e-muntashir hain

ain-e-hayat kya banaen

ho jaun main zindagi se bezar

itna bhi na ap azmaen

bujhne ko hai sham-e-zindagani

kya ap ko hal-e-dil sunaen

main khugar-e-dard ho chala hun

achchha hai ke ap ab na aen

ishrat ke fareb khane wale

jina hai agar to gham uthaen

majbur yaqin waada hun main

ai hosh wo aen ya na aen