آہ شب نالۂ سحر لے کر

آہ شب نالۂ سحر لے کر

نکلے ہم توشۂ سفر لے کر

شغل ہے نالہ کچھ مراد نہیں

کیا کروں اے فلک اثر لے کر

تیری محفل کا یار کیا کہنا

ہم بھی نکلے ہیں چشم تر لے کر

آپ میں نے دیا دل اس بت کو

جھک گئی شاخ خود ثمر لے کر

تھا قفس کا خیال دامن گیر

اڑ سکے ہم نہ بال و پر لے کر

وحشتؔ اس بزم میں رہے تھے رات

صبح نکلے ہیں درد سر لے کر

ah-e-shab nala-e-sahar le kar

nikle ham tosha-e-safar le kar

shaghl hai nala kuchh murad nahin

kya karun ai falak asar le kar

teri mahfil ka yar kya kahna

ham bhi nikle hain chashm-e-tar le kar

ap main ne diya dil us but ko

jhuk gai shakh-e-khud samar le kar

tha qafas ka khayal daman gir

ur sake ham na bal-o-par le kar

wahshat is bazm mein rahe the rat

subh nikle hain dard-e-sar le kar