عاشقو پاؤں نہ اکھڑے وہیں ٹھہرے رہنا

عاشقو پاؤں نہ اکھڑے وہیں ٹھہرے رہنا

پردہ اٹھتا ہے رخ یار سے سنبھلے رہنا

عرش پر سے بھی تمہیں کھینچ کے لے آئے گی

کشش عاشق بیتاب سے بچتے رہنا

تڑپ اٹھا دل بے تاب کسی عاشق کا

یہ مرا فرض ہے کہہ دیتا ہوں بچتے رہنا

ڈوب کر بحر محبت میں نکلنا کیسا

پار ہونے کی تمنا ہے تو ڈوبے رہنا

معرکے سے نہیں ہٹتا کوئی عاشق پیچھے

سر ہتھیلی پہ دھرے آگے ہی بڑھتے رہنا

نظر آ جائے جو وہ توبہ شکن اے اکبرؔ

دل کو ہاتھوں سے دبائے ہوئے بیٹھے رہنا

ashiqo paon na ukhre wahin thahre rahna

parda uthta hai rukh yar se sambhale rahna

arsh par se bhi tumhen khinch ke le aegi

kashish ashiq-e-betab se bachte rahna

tarap utha dil-e-be tab kisi ashiq ka

ye mira farz hai kah deta hun bachte rahna

dub kar bahr-e-mohabbat mein nikalna kaisa

par hone ki tamanna hai to dube rahna

marke se nahin hatta koi ashiq pichhe

sar hatheli pe dhare age hi barhte rahna

nazar a jae jo wo tauba shikan ai akbar

dil ko hathon se dabae hue baithe rahna