عبث ہے شوق لڑکپن میں ظلم ڈھانے کا

عبث ہے شوق لڑکپن میں ظلم ڈھانے کا

جوان ہو کے گلا کاٹنا زمانے کا

اسیر میں تو قفس میں ہوں اک زمانے کا

خیال ہے نہ چمن کا نہ آشیانے کا

فلک کی خیر نہیں ہے مری عداوت میں

مٹا رہا ہے اسے غم مرے مٹانے کا

ہمیں یہ رشک کہ عالم رقیب ہے اپنا

انہیں یہ ناز کہ آیا ہے دل زمانے کا

جگرؔ شباب مٹا ہم مٹے محبت میں

ابھی تلک نہ مٹا شوق دل لگانے کا

abas hai shauq larakpan mein zulm dhane ka

jawan ho ke gila katna zamane ka

asir mein to qafas mein hun ik zamane ka

khayal hai na chaman ka na ashiyane ka

falak ki khair nahin hai miri adawat mein

mita raha hai use gham mire mitane ka

hamen ye rashk ke alam raqib hai apna

unhen ye naz ke aya hai dil zamane ka

jigar shabab mita ham mite mohabbat mein

abhi talak na mita shauq-e-dil lagane ka