عاشقی میں ہے جان کا کھٹکا

عاشقی میں ہے جان کا کھٹکا

اور بھی کچھ برا بھلا کھٹکا

یار صیاد باغباں کا ہوا

یہ نیا اور اک بندھا کھٹکا

کان آہٹ کی راہ سے نہ ہٹے

دل میں تھا کس کے آنے کا کھٹکا

وہی کاوش مژہ نے کی آخر

جس کا اول سے دل میں تھا کھٹکا

بلبل پاک بیں ہے عاشق گل

باغباں تو نہ کھٹکھٹا کھٹکا

بے ترے یار سیر گلشن میں

پھول آنکھوں میں خار سا کھٹکا

تجھ کو دیکھا اٹھا اٹھا کر سر

سانس کا بھی اگر ہوا کھٹکا

عشق کے ہیں وقارؔ چار عنصر

خوف اندیشہ و دغا کھٹکا

ashiqi mein hai jan ka khatka

aur bhi kuchh bura bhala khatka

yar sayyad baghban ka hua

ye naya aur ik bandha khatka

kan ahat ki rah se na hate

dil mein tha kis ke ane ka khatka

wahi kawish mizha ne ki akhir

jis ka awwal se dil mein tha khatka

bulbul-e-pak bin hai ashiq gul

baghban to na khatkhata khatka

be tire yar sair-e-gulshan mein

phul ankhon mein khar sa khatka

tujh ko dekha utha utha kar sar

sans ka bhi agar hua khatka

ishq ke hain waqar char unsar

khauf andesha-o-dagha khatka