عالم کو اس نے نقش کف پا بنا دیا

عالم کو اس نے نقش کف پا بنا دیا

یعنی بنا دیا کبھی گاہے مٹا دیا

ہوتی نہ تاب جلوۂ پنہاں کلیم کو

کیوں تو نے پردۂ رخ زیبا اٹھا دیا

پوچھا جو اس سے ہستئ عالم کے راز کو

ظالم نے اپنا نقش کف پا دکھا دیا

ہم ابتدائے سوز محبت میں جل بجھے

وہ شمع ہیں کہ شام سے مجھ کو بجھا دیا

گویا کہ ہم بھی نقش تمنائے غیر تھے

بننے نہ پائے تھے کہ کسی نے مٹا دیا

alam ko us ne naqsh-e-kaf-e-pa bana diya

yaani bana diya kabhi gahe mita diya

hoti na tab-e-jalwa-e-pinhan kalim ko

kyun tu ne parda-e-rukh-e-zeba utha diya

puchha jo us se hasti-e-alam ke raz ko

zalim ne apna naqsh-e-kaf-e-pa dikha diya

ham ibtida-e-soz-e-mohabbat mein jal bujhe

wo shama hain ke sham se mujh ko bujha diya

goya ke ham bhi naqsh-e-tamanna-e-ghair the

banne na pae the ke kisi ne mita diya