عالم سوز تمنا بے کراں کرتے چلو

عالم سوز تمنا بے کراں کرتے چلو

ذرے ذرے کو شریک کارواں کرتے چلو

کتنے روشن ہیں وہ عارض کتنے شیریں ہیں وہ لب

راستہ کٹ جائے گا ذکر بتاں کرتے چلو

شام غم کی ظلمتیں ہیں اور صحرائے حیات

دیدۂ بیدار کو انجم فشاں کرتے چلو

راستے میں بجھ نہ جائیں آرزؤں کے چراغ

ذکر منزل کارواں در کارواں کرتے چلو

جانے کس عالم میں آئیں آنے والے قافلے

سایۂ دیوار جاناں جاوداں کرتے چلو

مظہر تہذیب ہے اک ایک تار پیرہن

بس یونہی اندازۂ سود و زیاں کرتے چلو

alam-e-soz-e-tamanna be karan karte chalo

zarre zarre ko sharik-e-karwan karte chalo

kitne raushan hain wo ariz kitne shirin hain wo lab

rasta kat jaega zikr-e-butan karte chalo

sham-e-gham ki zulmaten hain aur sahra-e-hayat

dida-e-bedar ko anjum fishan karte chalo

raste mein bujh na jaen arzuon ke charagh

zikr-e-manzil karwan dar karwan karte chalo

jane kis alam mein aen ane wale qafile

saya-e-diwar janan jawedan karte chalo

mazhar-e-tahzib hai ik ek tar-e-pairahan

bas yunhi andaza-e-sud-o-ziyan karte chalo