عاشق ہے جو تمہارے رخ سرخ رنگ کا

عاشق ہے جو تمہارے رخ سرخ رنگ کا

رہتا ہے اس کو نشہ شراب فرنگ کا

کہتے ہیں لوگ دیکھ تیرے رخ پہ خال کو

کیا حکم روم میں ہے سپہدار زنگ کا

اے رشک حور وسعت جنت میں بھی مجھے

تجھ بن ہے بے گمان یقیں گور تنگ کا

جب سے پتنگ ہوں میں ترے شمع رو کا یار

معلوم تھا نہ تجھ کو اڑانا پتنگ کا

خوف خدا نہ ہوتا تو رکھتا میں اے صنم

عرش عظیم نام تمہارے پلنگ کا

اے سبز رنگ مست مئے عشق و حسن تو

افیوں کو پوچھتے نہیں کیا ذکر بھنگ کا

خال رخ نگار ہیں چہرے خیال میں

بینی دکھائی دے ہے دونالی تفنگ کا

ماتم مرا ہے یار سوا ہم کو بزم نور

صوت بکا سے کم نہیں آواز چنگ کا

آتش کا شعر پڑھتا ہوں اکثر بحسب حال

دل صید ہے وہ بحر سخن کے نہنگ کا

وہ چشم گھات میں دل پر داغ کے نہیں

آہو کو ہے ارادہ شکار پلنگ کا

ناموس کا تو فکر ہے ماتمؔ عبث یہاں

یہ عشق خصم نام کا دشمن ہے ننگ کا

ashiq hai jo tumhare rukh-e-surkh rang ka

rahta hai us ko nasha sharab-e-farang ka

kahte hain log dekh tere rukh pe khal ko

kya hukm rom mein hai sipahdar zang ka

ai rashk-e-hur-e-wusat-e-jannat mein bhi mujhe

tujh bin hai be guman yaqin gor tang ka

jab se patang hun main tire shama ro ka yar

maalum tha na tujh ko urana patang ka

khauf-e-khuda na hota to rakhta main ai sanam

arsh-e-azim nam tumhare palang ka

ai sabz rang mast-e-mai-e-ishq-o-husn to

ufiyon ko puchhte nahin kya zikr bhang ka

khal-e-rukh-e-nigar hain chehre khayal mein

bini dikhai de hai daunilai tafang ka

matam mira hai yar siwa ham ko bazm-e-nur

saut-e-buka se kam nahin awaz chang ka

atish ka sher parhta hun aksar bahasb-e-hal

dil said hai wo bahr-e-sukhan ke nahang ka

wo chashm-e-ghat mein dil par dagh ke nahin

ahu ko hai irada shikar-e-palang ka

namus ka to fikr hai matam abas yahan

ye ishq khasm nam ka dushman hai nang ka