آہ وہ شعلہ ہے جو جی کو بجھا کے اٹھے

آہ وہ شعلہ ہے جو جی کو بجھا کے اٹھے

درد وہ فتنہ ہے جو دل کو بٹھا کے اٹھے

آپ کی یاد میں ہم اے صنم غفلت کیش

ایسے بیٹھے کہ قیامت ہی اٹھا کے اٹھے

ایک دزدیدہ نظر سے مرا دل چھین کے واہ

تم کدھر کو مری جاں آنکھ بچا کے اٹھے

عرصۂ حشر تک اک لگ گیا تانتا ان کا

مردے قبروں سے جو تیرے شہدا کے اٹھے

رمضاں کیونکہ برس بھر کو سمجھ بیٹھیں ہم

آئے دن کے بھی کسی سے یہ کڑاکے اٹھے

دل نشیں رحمت حق جب سے ہوئی ہے کیفیؔ

دغدغے دل سے مرے روز جزا کے اٹھے

ah wo shola hai jo ji ko bujha ke uthe

dard wo fitna hai jo dil ko bitha ke uthe

ap ki yad mein ham ai sanam ghaflat kesh

aise baithe ke qayamat hi utha ke uthe

ek duzdida nazar se mira dil chhin ke wah

tum kidhar ko miri jan ankh bacha ke uthe

arsa-e-hashr tak ik lag gaya tanta un ka

murde qabron se jo tere shuhada ke uthe

ramzan kyunke baras bhar ko samajh baithen ham

ae din ke bhi kisi se ye karake uthe

dil nashin rahmat-e-haq jab se hui hai kaifi

daghdaghe dil se mire roz-e-jaza ke uthe