عبث عبث تجھے مجھ سے حجاب آتا ہے — اشرف علی فغاں

Arooz is now on the App Store, for iPhone and iPad. Download →

اشرف علی فغاں

عبث عبث تجھے مجھ سے حجاب آتا ہے

ترے لیے کوئی خانہ خراب آتا ہے

پلک کے مارتے ہستی تمام ہوتی ہے

عبث کو بحر عدم سے حباب آتا ہے

خدا ہی جانے جلایا ہے کس ستم گر نے

جگر تو چشم سے ہو کر کباب آتا ہے

شب فراق میں اکثر میں لے کے آئینہ

یہ دیکھتا ہوں کہ آنکھوں میں خواب آتا ہے

نظر کروں ہوں تو یاں خواب کا خیال نہیں

گرے ہے لخت جگر یا کہ آب آتا ہے