عبث توڑا مرا دل ناز سکھلانے کے کام آتا

عبث توڑا مرا دل ناز سکھلانے کے کام آتا

یہ آئینہ تھا اس خودبیں کو اترانے کے کام آتا

جلایا مصحف دل تو نے کیوں برق تغافل سے

جو سچ بولوں تجھے جھوٹی قسم کھانے کے کام آتا

نہ ملتا خاک میں اس گل کے غم کا اشک اگر میرا

کسی بلبل کے شاید آب اور دانے کے کام آتا

دل صد چاک کا شانہ مرا ٹوٹا ترے ہاتھوں

وگرنہ زلف دود آہ سلجھانے کے کام آتا

لئے عزلتؔ کے موئے سر بیاباں کے ببولوں نے

جو بچتا یہ چنور جاروب ویرانے کے کام آتا

abas tora mira dil naz sukhlane ke kam ata

ye aina tha is khudbin ko itrane ke kam ata

jalaya mushaf-e-dil tu ne kyun barq-e-taghaful se

jo sach bolun tujhe jhuti qasam khane ke kam ata

na milta khak mein us gul ke gham ka ashk agar mera

kisi bulbul ke shayad ab aur dane ke kam ata

dil-e-sad chak ka shana mira tuta tire hathon

wagarna zulf-e-dud-e-ah sulajhane ke kam ata

liye uzlat ke mu-e-sar-e-bayaban ke babulon ne

jo bachta ye channwar jarub wirane ke kam ata