عشق تیرے سے لگاوے نہ خدا عار مجھے

عشق تیرے سے لگاوے نہ خدا عار مجھے

نہ کرے دام رہائی میں گرفتار مجھے

حسن اور عشق میں ایک طور سے نسبت ہے ضرور

چشم بیمار تجھے دی ہے دل زار مجھے

یار آیا پہ مجھے ہوش نہ تھا کیا کہئے

نہ کیا اس دل دشمن نے خبردار مجھے

سنگ طفلاں کی میں امید پہ ہوں دیوانہ

تسپہ دیتے ہیں تغافل سے یہ آزار مجھے

جب سے نظارہ کیا ترک ہوا ہوں دل سرد

گرم رکھتا تھا یقیںؔ شعلۂ دیدار مجھے

ishq tere se lagawe na khuda ar mujhe

na kare dam rihai mein giraftar mujhe

husn aur ishq mein ek tur se nisbat hai zarur

chashm-e-bimar tujhe di hai dil-e-zar mujhe

yar aya pe mujhe hosh na tha kya kahiye

na kiya is dil-e-dushman ne khabardar mujhe

sang tiflan ki main ummid pe hun diwana

tispe dete hain taghaful se ye azar mujhe

jab se nazzara kiya tark hua hun dil-e-sard

garm rakhta tha yaqin shola-e-didar mujhe