آں سے ظالم کا امتحاں اور میں

آں سے ظالم کا امتحاں اور میں

یہ ستم تیرے آسماں اور میں

کبھی کہتا ہوں اب وہ آتے ہیں

کبھی کہتا ہوں وہ کہاں اور میں

بے قراری دلا رہی ہے یاد

ہائے وہ تیری شوخیاں اور میں

نہیں سنتا کوئی کسی کی جہاں

غم ہجراں کی داستاں اور میں

آخر آ ہی گئی فغاں لب پر

ضبط راز غم نہاں اور میں

چرخ بھولا ہوا ہے کیا گردش

یار کے گھر میں میہماں اور میں

کچھ کہے جاؤ کچھ سنے جاؤ

تم سے دو چار بد گماں اور میں

وہ گلی اور رات بھر پھرنا

دور باش نگہ یاں اور میں

فکر دشواریٔ مطالب میں

ایک بیچارہ راز داں اور میں

آئنے ورنہ دیکھ لیجئے گا

ہر جگہ آپ کا بیاں اور میں

پوچھ سالکؔ نہ میرا گھر مجھ سے

رات دن ہے در بتاں اور میں

an se zalim ka imtihan aur main

ye sitam tere asman aur main

kabhi kahta hun ab wo ate hain

kabhi kahta hun wo kahan aur main

be qarari dila rahi hai yad

hae wo teri shokhiyan aur main

nahin sunta koi kisi ki jahan

gham-e-hijran ki dastan aur main

akhir a hi gai fughan lab par

zabt-e-raz-e-gham-e-nihan aur main

charkh bhula hua hai kya gardish

yar ke ghar mein mehman aur main

kuchh kahe jao kuchh sune jao

tum se do char bad guman aur main

wo gali aur rat bhar phirna

dur bash nigah yan aur main

fikr dushwari-e-matalib mein

ek bechara raz dan aur main

aine warna dekh lijiye ga

har jagah ap ka bayan aur main

puchh salik na mera ghar mujh se

rat din hai dar-e-butan aur main